Page 46 - KPA

12 AWEMainta Dialuna, 28 Augustus 2017

Homber cu a hit and run ta keda

deteni pa maltrata un dama

Mientras el a wordo haya cu cuchiu den man

DIASABRA den oranan di madruga un patruya policial a wordo manda cu
urgencia na El Conquistador Apartments na Sabana Liber, pa un homber cu lo
ta maltratando un muher.

Mesora un patruya ta bay n’e sitio y na yegada nan ta mira un homber cu un
cuchiu den su man ta core sali pafo. Mesora Polis ta gar’e y ta kita e cuchiu for
di dje. E homber a keda deteni y transporta pa Warda di Polis.
E dama tabatin un corta na su man y aparentemente el a ricibi varios golpi na
su curpa.

E Polisnan n’e sitio a pidi pa presencia di ambulance pa trata e dama aki.
Pafo di e apartamento Polis a topa cu un Daewoo Racer color cora scur y e
tabata falta e bumper di dilanti y tabatin sla basta recien n’e auto.

Un poco despues Polis a haya e informe cu un rato pasa na Alto Vista un auto
lo a ranca dos pal’di lus y a sigui core, pero a laga e bumper di e auto atras.
Mesora un patruya a bay n’e sitio y enberdad a confirma cu ta trata di e bum-
per di e Daewoo Racer di e mesun persona aki. E auto a keda confisca pa mas
investigacion.