Page 11 - ARUBA BANK

Gerencia di RBC ta traha hopi cerca di sindicato

Monday, 01 May 2017 19:31

Comparti

RBC tin paketenan cu ta sumamente atractivo. E ta un di e paketenan mas atractivo riba mercado cu ta
wordo presenta.
Si mira bek na companianan grandi cu den pasado a pasa door di e mesun parti di transformacion aki, y
naturalmente sindicato tin un rol. Gerencia di RBC ta traha hopi cerca di sindicato y nan ta e prome cu ta
wordo avisa di cualkier plan cu tin, sea di expansion of centralisacion of cu lo por afecta cualkier
empleado di RBC, sindicato ta wordo informa y loke ta yama e stakeholdernan, cu ta inclui hopi biaha
Banco Central, boardmembers, etc., segun gerente di RBC, Pierre Rafini.
Mal contento
E malcontento cu tabata tin a wordo soluciona mesora. Tabata un siman, manera cu media por a tuma
nota di dje, tabata tin un carshow sumamente exitoso, caminda cu tabata tin tres biaha mas hopi
aplicacion cu e aña prome. E suma tambe cu a wordo aplica p’e tabata tres biaha mas hopi cu e aña
anterior. Esey a pone un presion enorme biniendo bek pa por a procesa tur e transaccionnan aki.
Den e mesun siman tabata tin training tambe den cierto areanan di e banco pa implementacion di un
sistema nobo pa tuma luga e dialuna despues y naturalmente tin tur e shift di hendenan pa e
departamentonan nobo cu tabata tin mester di hende pa yena e vacaturanan cu a wordo crea, mientras cu
e trabao nobo ya a cuminsa tuma luga caba den e departamento ey.
Esey a haci cu el a pone un presion riba e empleadonan den cierto departamento y nan tabata tin e
necesidad e ora ey pa bisa pa papia cu gerencia, informa nan di kico ta sinti, kico ta mira y gerencia ta
sinta y ta scucha nan tambe. A traha riba un plan di maneho tambe pa asina por garantisa nan cu esaki ta
algo temporario y cu ta algo cu ta bay minimalisa of por traha riba dje pa trece un miho
comprondemento y un miho colaboracion entre e banco y su trahadonan, Rafini a splica.
Tecnologia
Ora cu ta traha cu un banco grandi manera RBC, mirando con tecnologia ta avansando asina lihe, segun
Rafini, no tin un paracion y nunca por bisa un reorganisacion of cambio lo yega na su final. Tin un dicho
hopi famoso ta bisa cu dia un organisacion stop di pasa door di cambio, e dia ey e organisacion por muri
tambe, mirando cu bo mester keda innova bo mes, bo mester keda on top of things y bin cu procesonan
nobo pa bo por keda dilanti di e competencia y un gran parti di seccion bancario cu ta haci esaki posibel,
ta tecnologia.
Tecnologia ta haci cu awendia no mester ta na un luga pa bo por traha. Tecnologia ta haci cu por traha for
di cas, bo por traha ora cu bo ta cu vakantie, bo por traha den weekend y hasta bo por traha for di
cualkier pais, of luga rond di mundo. Haciendo uzo di tecnologia e clientenan ta haci mas uzo di
tecnologia. Esey tambe lo por tin impacto riba operacionnan di banconan, no solamente di RBC so, pero
banconan local y tambe banconan mundial, di con nan business model lo mustra den futuro.
Tecnologia ta un enabler hopi grandi, caminda cu no solamente banco, pero tur compania lo capitalisa
riba dje, na su debido tempo. E ta duna e clientenan hopi beneficio, si ta papia di eficiencia y efectividad
pero di otro banda, banconan tambe door di haci inversion den esaki, mester por saca probecho den
esaki, door di minimalisa gasto, sea ta riba papel of otro areanan, ya asina e banco ta bira mas fuerte yt a
garantisa entrada, no solamente pa su trahado y su accionistanan, pero tambe duna un bista na mercado
y e solides di loke un banco ta of mester ta.
Empleadonan