Page 9 - ARUBA BANK

RBC bezig cu reorganisacion

Monday, 01 May 2017 22:09
Comparti

Por a tuma nota cu RBC tabata bezig cu reorganisacion.
Nos a papia cu Pierre Rafini, gerente di e banco, kende a splica cu den e afan di e banco pa ta
un digitally enable relationship bank, naturalmente tur inversion cu a haci riba e plataforma
digital, caminda cu a introduci un mobile app, cu ta sumamente exitoso y te cu awor aki, e
online banking, por a ripara cu e clientenan a adopta riba e tipo di tecnologianan aki y
naturalmente a wak cu e ora ey tin menos trafico ta drenta den e branchnan, vooral den e
ultimo dos pa tres simannan di e luna.
A mira e oportunidad pa por a streamline e organisacion tambe. Naturalmente, ora ta forma
parti di un banco grandi manera RBC, caminda cu tecnologia awe ta haci cu no mester ta den
un solo pais, of un solo caminda pabo por haci e trabao, a mira e oportunidadnan caminda cu a
centralisa algun operacion.
Esaki ta caminda cu tin areanan di experticio, caminda cu trabaonan por wordo movi y wordo
haci mesun bon of hasta un tiki mas miho y lihe pa motibo di capacidad y experticio di un otro
pais of region, ta capitalisa riba e oportunidadnan ey tambe y esey ta algo cu a tuma luga.
Sinembargo esaki no ta un reorganisacion na Aruba total, pasobra naturalmente cierto
trabaonan a stop di existi, pero trabaonan nobo tambe a wordo crea, pa asina por fit e modelo
di RBC full rond mundo, inclusivemente esun den Caribe.
Den esey ta awor aki, segun Rafini.
Kico esaki ta nifica
Pierre Rafini a splica cu e manera cu RBC ta traha, ta un manera caminda cu profesionalismo ta
keda na prome luga. Ta keda ta transparente cu e empleadonan tambe y tur stakeholder. Loke
a pasa ta cu un cierto cantidad di trabao lo a wordo centralisa, pero otro trabaonan a wordo
crea tambe. Si wak bek pa Aruba e ora ey e impacto lo tabata minimal. Cu esey por bisa cu ta
riba un paar di dede por a conta di posibel trabao of hendenan cu no lo tin trabao mas, pero
den e mesun afan ey, loke a haci como RBC, ta mescos cu a haci un tempo pasa, caminda cu a
duna empleadonan e oportunidad pa tuma retiro voluntario. Esnan cu tabata kier tambe a
duna empleadonan cu tabata tin menos cu 2 aña ainda, pa yega nan pensioen pa scoge un
retiro boluntario mas tempran y asina crea espacio pa esnan cu mester keda cu nan trabao.
Por ta no ta bay tey mas pa haya e oportunidad pa sigui den e organisacion.
Esey a tuma luga tambe. Naturalmente cu e trabaonan nobo cu a bin ta duna un hende un fair
chance pa solicita. A saca solicitudnan caminda cu empleadonan tambe, no solamente esnan