Page 30 - ARUBA BANK
P. 30
24 AWEMainta Diahuebs, 3 Augustus 2017
Un bes mas
Aruba Soccer Academy ta manda
tres hoben trainingsstage na
Excelsior Rotterdam na Hulanda
ASA ta informa cu recientemente a biaha bay Hu-
landa e tres hobennan Cameron Johnson, Quion
Poppen y Jahmani Eisden pa un trainingsstage na e
conocido club di futbol profesional S.B.V. Excelsior
Rotterdam.
Door di ASA su laso estrechonan cu varios club pro-
fesional na Hulanda, nan ta percura pa hobenan cu ta
mustra talento extraordinario, disciplina y mentalidad
fuerte haya e oportunidad pa un stage hunto cu hun-
gadonan profesional, bou guia di trainers profesional.
Cameron Johnson di 10 aña ta medio campo pa
Santa Fe cu a sa di demostra abilidad tecnico fuerte.
Quion Poppen di 11 aña ta medio campo fisicamente
fuerte pa Britannia cu a logra score 35 goals e ultimo
temporada di campeonato.
Jahmani Eisden di 11 aña t’e miho keeper di Aruba
den categoria U11. Jahmani ta keeper pa Estudiantes
y Seleccion Nacional.
S.B.V. Excelsior ta un club cu ta existi 115 aña caba,
y ta activo den campeonato na nivel di Eredivisie, e
nivel mas halto di futbol profesional Hulandes.
ASA ta sumamente orguyoso di por a representa e
tres talentoso hobennan aki y ta deseanan hopi exito
na Excelsior. Pronto ASA lo duna “update” di e stage
y con a bay cu nos atletanan cu a bay haci un bunita
papel pa Aruba na nivel internacional.
