Page 11 - DESPA 19 JUNE 2017

MINISTER DI SALUD PUBLICO, CUIDO DI

NOS GRANDINAN Y DEPORTE, DR. CARLOS

“ALEX” SCHWENGLE SALUBRIDAD TA BON

DANKI NA E 100 AÑANAN DI EXISTENCIA

DI DVG

18/06/2017 Admin Uncategorized Leave a comment

Empleadonan ta aporta na e prevencion di enfermedadnan contagioso y cronico

ORANJESTAD, Aruba: Diabierna a celebra 100 aña di existencia di salubridad
publico na Aruba. Minister di Salud Publico, Cuido di Nos Grandinan y Deporte,
Dr. Carlos “Alex” Schwengle tambe a celebra e dia cu e personal di Directie
Volksgezondheid y tabata contento di a siña mas di e historia con salud publico a
inicia. Minister Dr. Schwengle a gradici empleadonan pa nan bon trabou y tambe
a gradici e Director di DVG pa haci e celebracion pe empleadonan.

E diferencia grandi cu a bin den salubridad y a haci un impacto grandi di
sobrevivencia di ser humano ta higiena, awa limpi, rioolering, etc. y te dia di awe
higiena ta hunga un rol masha importante. E salanan di operacion mester uno
nobo y a haci un esfuerso grandi, pero a dicidi di uza e protocol di higiena mas
estrecho y esey so a baha infeccion 20 pa 30 porciento. No a agrega un
antibiotica nobo, pero keda pone enfasis riba prevencion di enfermedadnan
contagioso ta keda un tarea importante pa Salubridad Publico, Minister
Schwengle a duna di conoce.

Awo e enfoke ta moviendo y e prevencion di enfermedadnan cronico ta hopi
importante, pasobra tin un epidemia grandi y Aruba no ta e unico den esey.
Aruba ta parti di comunidad internacional y internacionalmente tur pais tin
problema cu enfermedadnan cronico, esta diabetes, hipertension, etc.