Page 18 - AWE0206_merged

Diahuebs 2 di Juni 2022

INTERNATIONAL

Fundacion Wiel Parandiano ta trece un

cambio den bida di esnan cu limitacion

ecientemente a keda lanta Fundacion Wiel Parandiando
RPa Alegra Nos Bida. E motor tras di esaki ta Eleen
Rasmijn. E ta un persona cu desde chikito, ora cu e no tabata
tin scol, e tabata bay traha cu su mama, kende tabata traha
cu personanan cu limitacion. Di e forma su amor pa yuda e
grupo di personanan aki den comunidad a siui crece.
Lamentablemente e no por tabata presente na e momento
importante cu e fundacion aki a bira oficial, ya cu e ta
studiando. El a wordo representa door di Brenda Maduro,
kende ta presidente di e fundacion.
Brenda Maduro a cuminsa 32 aña pasa den e veld trahando
cu e hendenan cu limitacion, unda e ta corda bon loke e
ciudadano Jose Christiaans a yega di bise: “Mi yiu, ora bo tin
salud, bo ta lanta mainta, bo ta bisti bo carson, bo ta mara bo
faha y bo ta bay unda cu bo kier. Ora cu bo perde bo salud,
bo ta lanta mainta, nan ta bistibo bo carson, nan ta mara bo
faha y nan ta hibabo unda cu nan kier. Di awo padilanti, bo ta
lanta mainta, nan ta bistibo bo carson, nan ta mara bo faha
y bo ta bay unda bo kier bay.”

Esey ta e meta di Wiel Parandiando, pa enrikece e personanan
cu limitacion fisico y e 60+ door di transportanan pa
actividadnan di bida diario, social, recreativo y educativo.
Di e forma aki nan por bay unda cu nan kier. Nan vision ta
pa bira lider den e mercado di transporte y recreacion di
actividad pa reintegra e personanan cu limitacion bek den
comunidad.
Den cuadro di esaki riba diadomingo, 29 di mei, nan a tene
un actividad cu nan a yama Un Atardi cu Pasaboca Arubiano.
E invitadonan tabata den su mayoria personanan cu un
of otro limitacion. Nan a cera conoce cu e servicio cu e
fundacion aki ta brinda.

18