Page 25 - MIN TTC 21 SEPT 2015
P. 25
16 AWEMainta Dialuna, 21 September 2015
Aruba Tourism Authority:
Doug Lansky t’e orador principal den
cuadro di Dia Internacional di Turismo
TUR aña Aruba Tourism Authority (A.T.A.) hunto cu Ministerio di Turismo ta or-
ganisa un evento pa tur su socionan como tambe tur studiantenan den e mundo den
turismo, esaki pa conmemora Dia Internacional di Turismo cual ta wordo celebra
mundialmente dia 27 di september, segun United Nations World Tourism Organiza-
tion U.N.W.T.O.
E aña aki. A.T.A. a scoge como orador principal e autor y experto den biahe y
turismo Doug Lansky.
Doug Lansky lo ta orador durante e evento aki, cual na Aruba lo wordo
celebra dia 23 di september. E tema di su presentacion ta ‘Destination
Marketing to Improve the Visitor Experience and Marketing in the
New Tourism Landscape’.
Ademas, A.T.A.na su turno lo presenta e plannan y obhetivonan pa
cu Aruba su turismo pa 2016.
Doug Lansky ta un Mericano cu ta bibando den exterior y a bi-
aha pa mas di 120 pais den e ultimo 20 añanan. E ta autor di 10
buki, cual ta inclui tres publicacion pa Lonely Planet y tres buki
pa Rough Rides.
Ademas, e tabatin pa cinco aña largo un columna semanal sindical
cu tabata wordo publica den mas di 40 corant. E tabata anfitrion di
un programa na Travel Channel y tabata coresponsal p’e
programa Savvy Traveler di Public Radio.
Mas recien, Doug Lansky a traha como redactor
di destinacion y columnista pa Skift. Doug ta
conoci tambe pa su trabao cu National Geo-
graphic Traveler, Reader’s Digest, Esquire,
Men’s Journal, The Guardian, National
Geographic Adventure y Huffington Post.
Di su experiencia enorme den e mundo
di biahe, Doug Lansky a lansa un carera
tambe como orador y a duna presen-
tacionnan na mas di 100 diferente
universidad mundialmente, n’e sede
principal di National Geographic y
pa World Tourism Organization di
Nacionnan Uni. E ta activo tambe
como orador na eventonan cor-
porativo y pa cuater aña consecu-
tivo e tabata un di e oradornan
cu mas a haci un impacto na I.T.B.
Berlin.
Cu Doug Lansky como orador principal n’e
evento aki, A.T.A. tin confiansa cu e evento lo sirbi
pa informa, como alavez motiva y inspira.
