Page 51 - MICHELLE WINKLAAR FEB 4

parti di concientisacion di cancer bao di mucha, Aruba Little League y tambe nan ta forma parti di RBC Junior Golf.
Tur di nan proyectonan cu hopi enfasis riba e desaroyo, no solamente intelectual, pero e parti tambe caminda ta haci
un mucha mas responsabel, un mente sano y curpa sano, pa asina nan ta un miho adolecente den futuro.
E mucha of hoben ta nos futuro y nos prosperidad economico y e salubridad di nos planeta y e speranza pa
humanidad. Rafini a sigui bisa cu nan mester y merece nan compromiso total pa yuda cada un di nan.
Mundialmente RBC a formalisa compromiso pa yuda e bienestar di e mucha den diferente proyecto riba varios
tereno, entre nan comprondemento financiero y mehoracion di analfabetismo financiero. Ta importante pa cuminsa
na un edad hoben pa siña muchanan con pa maneha placa. Si mira awendia e problemanan social cu tin, hopi biaha
no ta pa motibo di situacionnan economico ta precario so, pero ta e manera cu e personanan aki ta maneha nan
salario y nan entradanan, caminda cu hopi biaha ta gasta mas di loke nos ta genera, segun Rafini.
RBC ta kere cu mucha y hobennan mester por goza di un desaroyo sano y ta netamente loke Camp Millionaire ta
ofrece cu su programa cu enfasis riba con pa spaar, con pa presupuesta, rol di debe y inversion y duna bek na
comunidad. Pa realisa e compromiso na nos muchanan, RBC ta contento y orguyoso di por ta e sponsor principal di
Aruba su prome Camp Millionaire.
Pa un tempo caba Nancy Maya tabata cana cu e idea. El a acerca Rafini y a pidi’e cana hunto cu e banco y duna e
comienzo na loke ta bay ta un camp Millionaire hopi exitoso, no solamente pa e aña aki so, pero pa e otro añanan cu
ta bin.
Rafini ta spera cu e muchanan por disfruta di e experiencia di por siña algo nobo y sumamente importante pa
bienestar di nan futuro.
Muchanan por cuminza habri un cuenta na e banco hunto cu nan mayornan, te cu 18 aña. Una bes cu nan wordo
reconoci como adulto, cu nan tin 18 aña nan por habri nan cuenta riba nan mes. Lening ta mesun cos. Un
adolescente por haya un lening bao di cierto condicionnan. Un di nan ta cu e mester tin un salario y por genera un
entrada na Aruba.
Di un otro banda tin productonan cu ta duna lening na muchanan cu kier bay studia y esey ta haya a base cu tin un
studielening, tambe cu e mayornan ta firma como borg, cu si en caso algo paso cu e muchanan no por paga bek,
banco mester tin un segundo recurso pa haya su placa bek, mirando cu ta trahando cu placa di tur hende cu ta
deposita nan confianza den forma di un cuenta di spaar na RBC, Rafini a finalisa.

http://masnoticia.com/bryan-marchena-ta-importante-pa-duna-muchanan-balor-pa-sina-atende-cu-

placa/

Bryan Marchena: Ta importante pa duna muchanan balor
pa siña atende cu placa

 Feb 4th, 2015

 Local