Page 55 - MICHELLE WINKLAAR FEB 4

http://masnoticia.com/brian-coffie-ta-gobierno-su-tarea-pa-percura-pa-tin-ensenanza-pa-mucha/

Brian Coffie: ta gobierno su tarea pa percura pa tin
enseñanza pa mucha

 Feb 4th, 2015
 Local

Brain Coffie, kende ta miembro di directiva di SKOA, a splica cu legalmente por cobra for di aña 1980 y awor a
yega un punto cu mester cobra mirando cu enseñanza tin su costo cun’e.
E ta sigui splica cu e costonan den añanan 80, esaki tabata na 9 florin. Pa locual ta cierto remarke cu ta wordo haci
riba derecho di enseñanza, enseñanza gratis, ta wordo menciona tin biaha, ta un derecho cu eigenlijk ta mas algo cu
ta conta pa e muchanan den direccion na gobierno. E ta un derecho di enseñanza, basa riba cierto tratadonan
internacional, pero esun cu ta firma e tratado internacional ta gobierno, den punto di bista primordial.
Ta gobierno su tarea pa percura pa tin e enseñanza pa mucha y sigur pa esunnan di menos recurso.
SKOA semper ta tene cuenta cu mayornan cu tin menos recurso. Esey no ta algo cu no a yega di tuma luga den
pasado. Locual tambe tin entendi cu mayornan cu mester di ayudo, por acudi na sociale zaken, cu ta yuda y a yuda
den pasado pa loke ta pagonan sea completo di e schoolgeld of parcialmente. Esey ta algo cu sociale zaken lo tin cu
evalua pa su mes. Esey ta algo cu SKOA no por dicta pa e departamento aki.
Coffie a comenta cu prome cu e tempo di e directiva actual, e bestuurnan anterior a dicidi di absorba e factor cu e
gastonan a crece y un dado momento e placa no tey mas pa loke ta SKOA pa por sigui absorba e gastonan cu ta subi.
E reservanan di SKOA ta practicamente bashi awor aki, Coffie a remarca.
Pa loke ta e ley di leerplicht, e obligacion pa cumpli cu e leerplicht ta un deber di e mayor, no di e scol. Ta e mayor
tin cu percura pa su yiu yega na scol, dependiendo e edad di e mucha. Esey no ta un motibo cu por usa pa keda sin
paga e schoolgeld.
E punto di salida di SKOA ta na e momento aki cu 125 florin mester wordo paga na momento di inscripcion, pa
asina percura pa e cupo di e mucha ta sigura y despues di esey tin te juni pa por cumpli cu e pago. SKOA ta tene
cuenta cu e mayornan cu menos recurso. SKOA no tey pa perhudica e muchanan, Coffie a comenta.
A puntra Coffie kico lo pasa si gobienro dicidi cu mayan ta pone e placa, e suma por baha pa un mayor.