Page 57 - MICHELLE WINKLAAR FEB 4

Cu e carta aki nos, di La Salle College, kier informa tur mayor di un tendencia nobo cu ta basta alarmante. Ta asina
cu entre nos hobennan na Aruba tin un tendencia nobo cu yama Sexting. Sexting ta e mandamento di mensahe,
potret of video explicitamente sexual via celular. Ta saca mayoria di e potretnan aki den baño of camber na cas.
Nos kier alerta tur mayor di e consecuencianan di e tendencia nobo aki. Unabes cu bo manda un potret via bo
celular, e potret aki no ta solamente di bo mas y bo no tin control mas con lo uza esaki ni tampoco ki consecuencia
esaki tin pa bo reputacion.
Na Aruba mandamento di potret sunu di menor ta igual na abuso di mucha of propagacion di porno infantil pues
manda Sexting rond ta castigabel pa ley!
Lamentablemente La Salle College a tuma nota di algun alumno di nos scol cu a saca potret indiscreto y cu ta den
circulacion. La Salle College a tuma accion inmediato y a bin cu e siguiente accionnan:
– E alumnonan cu a saca e potretnan y esnan cu a manda nan rond a haya un dia di suspension. A informa nan
mayornan a wordo informa y nan a bin scol papia cu nos team di cuido y directorado. E alumnonan en cuestion lo
sigui haya guia interno y externo;
– Diahuebs awor 5 di februari, 6de lesuur henter e scol cu excepcion di 4de klas cu ta den examen di scol (S.E.), lo
haya un les tocante sexting y su consecuencianan;
– Tur docente di La Salle College lo haya un charla tocante e fenomeno nobo aki pa nan ta bon na altura y por papia
cu e alumnonan;
– Lo informa tur mayor lo wordo informa pa medio di un carta.
Nos kier pidi tur mayor pa sostene nos y pa hunto nos papia cu nos muchanan di e tendencianan aki cu por
perhudica nan severamente. No ta solamente e hecho cu bo ta expone bo curpa riba internet y falta bo mes respet,
pero e consecuencianan cu tin despues como por ehempel bullying, chantahe y depresion ta hacie mas peligroso
ainda. Ban inculca norma y balor den nos hobennan. Papia cu boso yiunan y controla nan uzo di internet, celular y
rednan social.
Nos ta spera di a duna suficiente informacion.
Saludos cordial,
Directorado La Salle College

http://masnoticia.com/skoa-airco-no-ta-cos-cu-scol-dicidi-riba-dje/

SKOA: Airco no ta cos cu scol a dicidi riba dje

 Feb 4th, 2015

 Local