Page 41 - Extra

Djaweps 3 Mart 2016 41

sosega na pas Kontinuashon di pag. 39
MESTER DI UN

suptitulo, deliquent
gedrag van Curaçaose
jongens in Nederland, skibí
pa Marion van San, na
sèptèmber 1998 ku di un
forma indeskriminá ta pone
man riba nos realidat sosial
deplorabel. Nos problemanan
serio ku kasonan di asesinato
okashoná pa desendientenan
di yunan di Kòrsou bibá
na Ulanda ta rekòrdá nos
riba e eksportashon di nos
problemanan pa Ulanda.
Krímen den forma di
likidashon pa motibu di
reglamentu di kuenta ku al
final tòg ta tuma lugá sea na
mes Kòrsou òf na Ulanda, ta
demostrá ku nos no ta kita for
di e problemanan.

Ke men ku nos mester ta
konsiente ku e fluho grandi
di míles di yunan di Kòrsou
desempleá ku subi un avion
bai Ulanda, siendo den un
posishon di no por logra nada
na Ulanda, no ta sinta ketu!
Nan bida ta sigui, pero den
un pais muchu mas grandi
i kaminda krímen ta mas
avansá ainda. Maske nan a
establesé na Ulanda, Kòrsou
nunka lo no sali for di nan
mente. Lamentablemente
no tin masha sientífiko
na Kòrsou ku a dediká òf
profundisá den e tema bario i
su impakto riba e suidadano
komun i koriente.

Nos pueblo debí na e
sirkunstansia di bida bastante
duru ku el a kustumbrá kuné,
ta bini for di un kultura hopi
egoista, kaminda e hende mas
bien ta wak pa su mes, siendo
den praktiká ta resultá ku
esunnan ku keda atras tambe
ta kontinuá ku nan trayekto di
bida. Kòrsou último añanan
a keda asotá pa kasonan
di likidashon masha kruel
mes, den barionan hasta
ta papia di e eksistensia di
bandanan kriminal ku filial
den eksterior. Remarkabel ta
e esfuersonan kontinuo pa
establesé plantashonnan di
matanan di droga.

Enfin, Kòrsou ta den un
situashon ku no por kontinuá
ku e tipo di gobernashon ku
nos a konosé pa dékada, pero
ku en realidat no ta surti
resultadonan satisfaktorio
pa un grupo asina grandi di
yunan di Kòrsou di ménos
rekurso.

Ta e momento pa porfin
tuma e aserkamentu ku ta
pone énfasis riba desaroyo
di barionan na serio, mester
djòin ku sientífikonan
ku ambishon haltu i ku e
determinashon pa ‘boost’ e
trayekto aki.

Erwin Raphaëla
5223737