Page 40 - Extra

40 Djaweps 3 Mart 2016

Kontinuashon di pag. 6 SOSEGA NA PAS
MAYORIA

ta den gobièrnu, ta sigur
ku Sulvaran lo boga pa
minister Jardim bin bèk.
Sulvaran mes ta propagando
su mes ku e konsepto
Tim Sulva ku no e splika
konkretamente ainda.

Pa loke ta trata minister
Eugène Rhuggenaath
definitivamente e lo regresá
riba lista. Despues di un
ousensia di algun aña, e
lo ta disponibel pa polítika
aktivo atrobe.

Es mas, tin informashon
ku hasta e lo por ta
kabesante di lista di Partido
PAR pa e próksimo elekshon
pero no ta probabel ku e
aktual lider Zita Jesus-Leito
lo sede e puesto aki.

Finalmente tin minister
Van der Horst ku a ninga
di komentá e siman aki si e
lo ta deseá pa ta riba lista e
biaha aki.

Van der Horst a kuminsá
komo vakminister. “Dia 8 di
ougùstùs awor tur hende lo
haña sa”, asina e minister a
bisa referiendo na e dia pa
entrega di lista.

E no a desmentí
sinembargo ku e no ta
interesá pa subi lista.

Kontinuashon di pag. 6
NOS LO HASI

Panamá ta kosta 600
dòler i di China pa Kòrsou ta
kosta 3200 dòler. Tur kos ta
karu serka nos pasobra nos
haf ta karu. Nos polítikonan
no ta papia riba esei pasobra
nan tin doño”, asina el a
komentá.

E dirigente polítiko a bisa
mas aleu ku su partido lo no
bai traha ku niun partido ku
a probá ku ta kontra e pais
aki. “Hopi di nan a probá
kaba ku nan no ta pro nos
pais. Tim Magno lo traha
ku esnan ku nan kurason
ta bati pa nos pais. Nos
lo no traha ku esnan ku a
desgrasiá nos pais durante
hopi aña. Nan so a biba
bon miéntras ku nan a
masakrá pueblo”, asina el
a bisa sin spesifiká ku ken
si konkretamente e lo traha.

Finalmente Wiels a
bisa ku e nivel di pensa di
nos hendenan a subi. “Mi
ruman a kontribuí den
esei. Nos hendenan no ta
kere mas den hendenan ku
promesanan falsu. Nan no
ta kere mas den hende ku
ta hunga ròl i papia bunita.
E próksimo elekshon lo ta
un repudio pa partidonan
eksistente. Un biaha mas
nan lo primintí shelu i tera
pa despues bai den nan hòl.
Nan mester realisá ku nan
tempu a pasa”, asina Wiels
a deklará.