Page 31 - BNDIA ARUBA

A31
LOCAL Diabierna 13 December 2019

Ex- minister Otmar Oduber a gradici y despedi di prensa

ORANJESTAD – Ayera mainta, minister Otmar Oduber
a organisa un desayuno na Hilton Hotel, caminda a in-
vita e miembronan di prensa di diferente medionan pa
asina gradici y despedi di nan como politico y minister.

Cu un tono mas conciliado y amigabel, e mandatario a expresa
no solamente su gradicimento na prensa, sino su respet pa e
trabou cu prensa ta bin realisando na Aruba. El a admiti cu hopi
biaha tabatin diferencia di opinion, pero den cuadro di democ-
racia tur esaki ta posibel. A pesar cu prensa tabata critico cune,
te hasta el a yega di tene diferencia pisa cu algun miembro di
prensa, pero na fin di cuenta e kier laga e mensahe cu ‘nos tur
ta ser humano y nos tur ta keda hende’. Y na final di dia, como
politico nan ta mesun hende cu cualkier ser humano.

Durante 22 aña como politico, algo cu a caracterisa ex minister
Otmar Oduber tabata netamente e aspecto di ta un politico me-
diatico, cu semper a haci uzo di publicidad y relacion publico
agresivo. Pero el a bisa cu e meta principal tras di esaki tabata
informa comunidad.
E ta reconoce cu prensa ta forma un parti integral di e cuater
pilar di un pais democratico. No solamente e trias politico di e
tres poder politico: Ehecutivo, legislativo y hudicial. Pero e no
ta kere cu dificilmente por tin un formacion di e trias politico,
si no tin e comunicacion cu prensa.

“Awe mi kier gradici boso. Esey ta mi intencion di awe mainta
pa e trabou ey. E ta bira e ultimo biaha cu den e bashi aki, nos
por comunica cu otro,” Oduber a bisa.

El a laga sa cu su plan pa futuro ta di keda den e area di turismo
y hospital, cu ta su profesion y experticio, eventualmente cu un
oficina di consultoria. P’esey e no ta descarta cu e contacto cu
prensa local lo sigui, pero riba otro nivel.