Page 21 - AWM 21MAART,2016

AWEMainta Dialuna, 21 Maart 2016 21

EY Aruba ta organisa su seminario;
EY Corporate Governance 2016

‘EY cu
contribucion na
bon maneho den
sector publico’

EY, mihor conoci como Ernst & Young, a organisa siman

pasa un seminario cu e tema ‘corporate governance’,
como parti di su responsabilidad corporativo social.
No ta un coincidencia cu nan lema ta ‘Building a better
working world’. ‘Corporate governance’, of ‘bon maneho
di empresa’, ta structuranan cu companianan tin di ta
organisa y funciona, pa por garantisa un bon maneho
di empresa.
E seminario aki a enfoca riba e sector publico: Empresa
of fundacionnan estatal.

EY tabatin como invitado orador tres profesional
bon reconoci den e mundo di maneho publico local y
regional.
Señor Glenn Thode, actualmente Rector na Universidad
di Aruba, y anteriormente Gezaghebber na Bonaire, a
presenta e tema for di punto di bista internacional di e
necesidad pa tin bon maneho di empresanan.
Señor Prakash Mungra, Director Ehecutivo di Banco
Central, a toca e tema for di reglanan internacional
existente cu companianan estatal por usa como
implementacion di structuranan di bon maneho, y tambe
a elabora riba un encuesta teni entre empresanan estatal
pa cu e implementacion di bon maneho.
Señor Etienne Ys, den pasado Prome Minister di Antiyas
Hulandes, a elabora riba e relacion entre e maneho di
un empresa estatal y politica como socio.

E orador di EY tabata sr. Garrick de Cuba, kende a toca
e tema maneho di empresa y un supervision efectivo.
Señor de Cuba a elabora riba necesidad di un bon
maneho for di punto di bista di e organisacion interno,
como tambe e aspectonan esencial pa mehora control
interno di e empresa y un bon supervision independiente.
Segun sr. Thode, integridad t’e pilar mas esencial di bon
maneho.
Sr. Ys a añadi cu importante cu management y
supervision ta pone e interes di e empresa central.

‘Pa tin un maneho di empresa efectivo, un organisacion
tin di implementa un structura di control riba diferente
nivel den e empresa, pero esencial ta keda e honestidad
intelectual’, señor de Cuba ta termina di bisa.
E seminario tabata bon bishita cu diferente stakeholders
di empresa y fundacionnan estatal, como tambe
diferente profesional den e ramo di contabilidad, ley y
maneho general.