Page 29 - AWM 21MAART,2016

AWEMainta Dialuna, 21 Maart 2016 29

Pa dia cu Standard Dredging a caba nan trabou na
1948, henter Paardenbaai tabata 36’ (11.0 m) hundo.

E dragamento aki tabata topico di combersacion den
pueblo y muchanan a cuminsa uz’e chistosamente.
Tabatin un mucha homber na scol cu tabatin un mania
di coba den su atras y el a hay e apodo “Draga”.

NV Koninklijke Maatschappij voor
Havenwerken a agrega 900’ (275 m)
na e largura di Waf Grandi y banda
di e waf a construi dos basins enorma
cu un total di 4000’ (1219 m) pa e
bapornan por dock. Algun siman
pasa nos por a mira e resultadonan
positivo di tur e trabounan aki: 5
crucero cu 12 mil turista di bishita
na Cornelis Eman Kade.

Un di e rasonnan cu e turismo
di Aruba ta robusto awe ta e
cobamentonan di Paardenbaai cu
a cuminsa un siglo pasa y a crea e
fundeshi pa e pilar mas importante
di nos economia.

E articulo aki ta basa riba Capitulo
6 di e buki Storianan di un Mucha
di Lagoen cu Unoca a publica
na 2013. Si bo no tin e buki aki
ainda mi ta urgi bo pa cumpr’e y
les’e. Tin un rebaho awor di 30%
na ocasion di nos dia nacional.
Unoca ta keda na Stadionweg 21.
clydeharms@yahoo.com