Page 7 - AWEMAINTA

AWEMainta Dialuna, 6 November 2017 7

Ingeniero di Green Corridor

E situacion di fluho di awa na

Pos Chiquito no a empeora

E problema di fluho di awa na Pos Chiquito tambe ta algo
cu Alex Amalvi, kende ta gerente di e proyecto di Green
Corridor pa e compania Caribbean Infrastructure Company
(CIC), como tambe parti di e ekipo di ODINSA.
Den e ultimo yobida tabatin awa cu a keda para y cual
fotonan por a mira riba facebook. Pero e ingeniero a splica
cu berdad por tabatin fluho di awa, pero tambe ta berdad
cu e situacion awendia ta hopi mas controlabel compara
cu algun decadanan atras. Awendia sa unda e problema ta
y e ta den e espacio unda cu e compania di ODINSA y CIC
por traha. E ta problema cu sigur por wordo mitiga pero cu
un problema specificamente dirigi riba e situacion existente.
“Mi ta kere cu loke nos a haci a mehora e calidad di bida na
Pos Chiquito. E caminda reconstrui no a afecta ni empeora e
situacion. Net lo contrario, ya cu nos ta kere cu nan a yuda
pa mitiga un poco e intensidad di e inundacionnan cu tabata
hopi freciente den e zona ey,” Amalvi a splica.

Pa loke ta e comentarionan den comunidad di scheur riba e
brug, e ingeniero a splica cu e pueblo di Aruba por ta trankil.
E brug a wordo inspecciona door di Mott Macdonald, un
compania di ingenieria independiente y un di esnan mas
specialisa na mundo den infrastructura. Nan expertonan a
duna un rapport na DOW y e compania constructor posi-
tivo. Nan a revisa delaster un aspecto di e brug cu a wordo
construi segun e miho standardnan di calidad posibel pa
infrastructura. E brug no tin ningun defect. “Ta absoluta-
mente imposibel y no ta existi ningun scheur ni den e base
ni den metal di e brug. Esey no ta berdad,” Almavi a bisa.
Por a mira tambe cu den area di Rooi Lamoenchi tin algun
trabou andando pa algun dia caba. Segun el a splica, eynan
tin un sistema di apoyo bou di caminda, pa asina e fluho
di awa por core bay lama. E boxnan ey ta algo cu a wordo
construi hopi aña atras y den nan contracto ta aparece cu
mester reconstrui e structura of haci adaptacion pa e sigui
cumpli cu su funcion. Tur e boxnan den e area ta wordo con-
trola door di e compania di construccion di Green Corridor.