Page 9 - AWEMAINTA

AWEMainta Dialuna, 6 November 2017 9

E talentoso hoben Arubiano

Vince Irie nomina pa premio di

Drone Awards 2017

UN noticia cu AweMainta a ricibi ayera ta mustra
cu e talentoso Vince Irie ta un di e nomidanan pa e
prestioso Drone Awards 2017 di Hulanda.
E nominacionnan pa Drone Awards 2017 a bira
conoce ayera. E aña’ki videonan renombra tin chens
pa gana e prestigioso premio aki, reparti den dos cat-
egoria. Uno ta fotografia aereo y Racing. E aña’ki pa
prome biaha por vota tambe riba bo drone faborito.
Te cu 30 di November 2017 e bishitantewnan di
DroneAward por haci nan votacion. Tambe por vota
pa e miho drone di aña pasa.
Den e categoria di fotografia aereo tin 4 video masha
bunita nomina, cualnan ta resalta danki na e bunita
combinacion di e forma strak di bula, montahe y
sonido. Semih Simsek a haci grabacionnan bunita
di e pier na Scheveningen, mienrtas cu Droning
Dutchman a pone Hulanda di un forma colorido riba
video “Nederland in bloei’. Stefan Roks y Roy Visser
ambos a logra haya nominacion cu nan video cu ta
para bo respiracion riba nan biahenan pa exterior na
respectivamente Islandia y Sardinia.
Den e categoria di Racing tin 4 video nomina cualnan
door din an stuntnan y forma di bula na velocidad
halto ta resalta riba otronan. Asina Ralph Hogenbirk
den scur ta filma den scur riba e pistanan di Delta
Cup y e drobe di Pieter Bos cu den formula 1 auto
ta haci un recorido riba e TT Circuit na Assen no
tin nada di envidia. MetallDanny ta laga ilustra su
habilidadnan di bula den un brug impresionante na
Tenerife y Vince Irie ta maneha su drone di careda
na velocidad halto riba e lama blauw di Aruba.
E Drone Awards ta un iniciativa di DRONES.nl, cu
ta scoge for di centenaries di sugerencia un seleccion
di drones di e mihonan, esnan cu mas atencion ta
hala y esnan mas leuk di videonan di aña anterior.
E videonan cu mas votacion ta haya e premionan.
E votacion por wordo haci via di via www.Drone-
Awards.nl.
E premio aki ta wordo entrega desde 2014. Aña pasa
Dj Coen Swijnenberg di Radion 538 a mustra cu e
por mas cu locucion creando un bunita video di su
vacacion na Sri Lank y el a haya e premio pa foto-
grafia aereo y Tim van Vliet a gana den categoria
racing video.