Page 15 - HOH

Diabierna, 15 October 2021 AWEMainta.com 7
Mensahe di FAVI:

Nos ta sigui

concientisa!

Awe ta dia 15 di october, cu ta Dia
internacional di e Garoti Blanco Strepi Cora.
Aña pasa FAVI a concientisa e comunidad
n’e manera virtual, esaki a bai sumamente
exitoso.
Pandemia a haci nos grupo inactivo, hopi
a scoge pa keda cas y cuida nan mes di e
contagio di Covid-19. Cu e suavisacion di

algun medida di Covid-19, FAVI ta haci uzo
di oportunidad pa mobilisa su clientanan.
E trabao di concientisa ta sigui den 2021.
Nos meta ta pa activa clientenan pa asina
nan por hasi uzo di garoti blanco strepi
cora den trafico y den nan bida diario
efectivamente. E aña aki FAVI lo organisa

algun actividad pa stimula e uzo bek bow
di nos clientenan.
Di e manera aki nos lo tin caminata nan den
naturalesa, caminta pa salud y mobilidad,
nos lo subi sero di jamanota y lo hasi
demonstracion den trafico.

E garoti blanco cu strepi cora ta un simbolo
internacional di independencia di e persona

cu su bista conoce un limitacion. Durante
aña e historia di e garoti a haña un lugar
solido unda e persona cu tin limitacion di
bista ta forma parti di e comunidad.

Den nos trayecto, FAVI a conoce diferente
cliente cu a tuma e curashi di mobilisa

y mustra cu nan ta parti di e comunidad.
Bo por mira nan na banco, supermercado,
na scol y na pia di trabao. Fiel nan ta usa e
garoti pa por mobilisa pero mas principal
ta pa mustra cu limitacion di bista no ta un
obstaculo.

E garoti blanco strepi cora ta obtenibel na
FAVI. Si abo conoce un persona cu tin un

limitacion visual y cu mester di informacion
di esaki. Tuma contacto cu FAVI awe mes
na 5825222 of 5825051.

Nos di FAVI kier a manda un mensahe
special na e automobilistanan sea mas
cauteloso ariba caretera di Aruba y si bo ta

mira un persona ta cana cu su garoti blanco
strepi cora, corda baha velocidad y si e
mester cruza caminda duna e persona aki e
oportunidad pa e crusa na un manera sigur.