Page 78 - VOS ALEX SCHWENGLE JUNE 17

Directiva actual di Aruba Voetbal Bond su dianan ta conta

Publication: Wednesday, 17 June 2015. Categoria: General
Un division enorme tin interno

ORANJESTAD(AAN): Su dianan ta conta. Pueblo mes ta fada, y disgusta, y ta expresa nada
bunita den direccion di Aruba Voetbal Bond. Y e Deporte Rey ta hayando un wowo biña door di
esey.
Pa algun tempo caba ta notando un rancamento di ciboyo internamente den Arubaanse Voetbal
Bond, pero cu awo a tuma un rumbo masha mahos.
Mesun miembronan di e directiva actual, cu ayudo di nan mesun agencia di publicidad, ta
pushando tur caminda den media pa pinta e mesun directiva preto. Tur esey den un esfuerso pa
forsa un decision pa retira parti di e directiva dia 27 di juni proximo den un region general di
miembronan.
Algun medio di comunicacion cu a custuma di yuda AVB cu promocion y noticia di futbol a
keda babuca con e mesun PR di e organizacion ta yamando y insisti pa entrevista e team y e
coach cu a bay participa na Barbados, pa bisa cu ta directiva di AVB tin culpa cu nan a perde dos
wega. Tur hende a keda babuca cu di paden mes ta purbando pa kibra AVB.
For di fuentenan den e directiva nos a compronde cu nan ta na altura di e practica mahos aki y
tambe ta na altura di e campaña feroz cu a start entre e ekiponan miembro di e organizacion di
futbol, cu meta pa manda parti di e directiva cas. Locual e hoben miembro di directiva no ta
realisa kisas ta cu ora di cambia directiva, ta TUR hende mester bay, incluyendo e mes y su
amigo cu ta brindando servicio di PR pa e asociacion di futbol.
Ta masha lamentable si, cu net awo cu futbol ta den boca di tur hende, cu e animo ta subiendo,
cu net awo ta purba forma un “coup” interno pa asumi mas poder den AVB. Asina hamas e