Page 13 - MIN ECEM

2 AWEMainta Diasabra, 15 Juli 2017

Accion di protesta na rotonde di Cumana

Chauffeurnan di trucknan local no ta di acuerdo pa trece

ekiponan di exterior pa traha riba Watty Vos Boulevard

Siendo cu na Aruba mes tin e ekiponan aki

AYERA diabierna, un situacion a presenta na futuro rotonde di
Cumana, caminda chauffeurnan di trucknan local a demostra nan
malcontento blokiando trafico cu trucknan den oranan di atardi.
Esaki ta relaciona cu nan desacuerdo pa cu e decision di
contratista Mota Engil pa importa trucknan for di Peru pa haci
trabounan na Watty Vos Boulevard, siendo cu na Aruba mes
tin e ekiponan aki.

E situacion a culmina na dicho rotonde, caminda Alto Comisario
di Polis a presenta pa pone su mes na altura di esaki. A purba
papia cu e chauffeurnan, kendenan a expresa nan malcontento
pa cu e situacion ariba menciona. Unidadnan policial a pidi nan
pa habri caminda bek.
Ta di spera cu un reunion lo tuma lugar pronto pa sinta cu e
chauffeurnan y atende cu e problema aki debidamente.