Page 52 - MIN TTC

pa permiti negoshinan actual pa tin e Free Enterprise y otronan ta bisa cu no, cu
mester limita esaki. Di otro banda ta papia di limita solamente negoshinan nobo,
operacionnan nobo y laga esunnan existente cu un tiki libertad. Como tal e
mandatario hunto cu ATA tabatin un reunion cu Price Waterhouse Coopers (PWC)
tocante maneho pa loke ta trata hotelnan all inclusive na Aruba.

Manera ta conoci e mandatario a pone un maneho pa loke ta e tipo di propiedadnan aki y
riba nivel mundial tin un discusion riba propiedadnan all inclusive, si ta algo cu paisnan
mester bai pa nan of no. E ta bisa cu hopi biaha ora ta papia di all inclusive ta pensa riba e
propiedadnan barata, pero na e momentonan aki cadenanan manera Hyatt y Marriott na
nivel global ta asociando cu propiedadnan cu tin un liña all inclusive ‘high end’ , es decir,
e categoria mas halto cu tin pa loke ta trata e categoria all inclusive. Esaki ta debi cu e
demanda di e clientenan ta bayendo den e direccion aki. Aruba no ta kedando atras di e
tendencia mundial aki y tin diferente peticion pa loke ta trata e tipo di propiedadnan aki.

Minister Oduber a indica cu na cierto momento a papia riba legisla e parti aki, mira si
kier mas all inclusive y hasta wak di e operacionnan cu tin actualmente si kier pa nan
aumenta dentro di e libertad pa haci negoshi, e parti cu nan ta dedica na all inclusive. Den
e discusionnan cu tabatin cu AHATA y ATA, a tuma e decision di acerca Price
Waterhouse Coopers no solamente na Aruba, pero tambe na nan headquarters
internacional cu tin experiencia riba e tereno aki.

Den e cuadro aki a sostene diamars atardi un conference call mirando cu nan a tuma un
siman pa bin Aruba y conversa cu tur stakeholders, entre otro, asociacion di banconan,
tour operators, restaurantnan, retail stores, sindicatonan y hotelnan mes y sinti kico e
sentimento ta na Aruba pa loke ta un posibel expansion si of no di all inclusive y si hacie
den ki direccion lo mester bay.

. http://noticiacla.com/news/2240