Page 55 - MIN TTC
P. 55
Turistanan sorprendi cu
entrenamento militar na Baby Beach
Posted on 02/5/2015 10:34 am AST | Updated on 02/5/2015 10:47 am AST
SAN NICOLAS – Un entrenamento militar e siman aki a spanta un grupo di turista
mericano cu tabata disfruta di nan vacacion na Aruba. “Nos tabata relax y
diripiente esaki” un turista a bisa, refiriendo na e cantidad di militar cu diripiente a
subi tera na Baby Beach. “Nos a puntra e soldat, pero no tabatin contesta” e turista
a sigui bisa. Algun a hasta kere cu tabata relaciona cu e avion cu a wordo derumba
siman pasa serca di Aruba. “Mi potretnan di paz y trankilidad a converti den potret
di invasion” e turista particular aki a bisa. NoticiaCla.com a tuma contacto cu
Kazerne di Mariniers cu a splica cu esaki ta algo normal. “Nos sa entrena riba mas
lugar na Aruba” Comandante di marina, Jan den Hove a sigura NoticiaCla.com.
Netamente e siman aki un ciudadano cu ta biba den e area ey, a manda un remetido cu
keho riba e asunto di entrenamiento aki. "A yama Kustwacht pa informa nan di e suceso
aki y pa sorpresa e contesta tawata cu Kustwacht no ta na altura di esaki y cu mester jama
Polis pa denuncia esaki. Pues a yama Polis di San Nicolas y e contesta tawata; cu “ya
diferente hende a yama caba y cu e tiroteo aki ta trata di un training”. e persona aki, cu a
firma como Melva Yanes, a bisa. Segun Yanes, otro habitante di Seroe Colorado a
comenta cu militarnan tawata train for di atardi caba banda di costa pabou di Rodgers
Beach y por a wak 3 boto di marina ta nabega riba lama y cu por a tende sonido di tironan
fuerte tambe. " Remarcabel ta cu no a duna aviso adelanta na e habitantenan cu e training
aki lo a bay tuma luga y cu lo tin zonido di tiramento involvi."
Den cuadro di esaki, ten Hove a mustra NoticiaCla.com cu tin un plan completo cu e lo
divulga di kico por spera y kico tur e kazerne lo ta haciendo proximamente. E lo comparti
esaki cu NoticiaCla.com e siman aki mes. Ademas lo e duna splicacion mas amplio riba e
loke a sosode e siman aki riba Baby Beach. Por mira e fotonan cu e turistanan a saca di e
‘invasion’ cu a sorprende nan durante nan estadia na e beach.
entrenamento militar na Baby Beach
Posted on 02/5/2015 10:34 am AST | Updated on 02/5/2015 10:47 am AST
SAN NICOLAS – Un entrenamento militar e siman aki a spanta un grupo di turista
mericano cu tabata disfruta di nan vacacion na Aruba. “Nos tabata relax y
diripiente esaki” un turista a bisa, refiriendo na e cantidad di militar cu diripiente a
subi tera na Baby Beach. “Nos a puntra e soldat, pero no tabatin contesta” e turista
a sigui bisa. Algun a hasta kere cu tabata relaciona cu e avion cu a wordo derumba
siman pasa serca di Aruba. “Mi potretnan di paz y trankilidad a converti den potret
di invasion” e turista particular aki a bisa. NoticiaCla.com a tuma contacto cu
Kazerne di Mariniers cu a splica cu esaki ta algo normal. “Nos sa entrena riba mas
lugar na Aruba” Comandante di marina, Jan den Hove a sigura NoticiaCla.com.
Netamente e siman aki un ciudadano cu ta biba den e area ey, a manda un remetido cu
keho riba e asunto di entrenamiento aki. "A yama Kustwacht pa informa nan di e suceso
aki y pa sorpresa e contesta tawata cu Kustwacht no ta na altura di esaki y cu mester jama
Polis pa denuncia esaki. Pues a yama Polis di San Nicolas y e contesta tawata; cu “ya
diferente hende a yama caba y cu e tiroteo aki ta trata di un training”. e persona aki, cu a
firma como Melva Yanes, a bisa. Segun Yanes, otro habitante di Seroe Colorado a
comenta cu militarnan tawata train for di atardi caba banda di costa pabou di Rodgers
Beach y por a wak 3 boto di marina ta nabega riba lama y cu por a tende sonido di tironan
fuerte tambe. " Remarcabel ta cu no a duna aviso adelanta na e habitantenan cu e training
aki lo a bay tuma luga y cu lo tin zonido di tiramento involvi."
Den cuadro di esaki, ten Hove a mustra NoticiaCla.com cu tin un plan completo cu e lo
divulga di kico por spera y kico tur e kazerne lo ta haciendo proximamente. E lo comparti
esaki cu NoticiaCla.com e siman aki mes. Ademas lo e duna splicacion mas amplio riba e
loke a sosode e siman aki riba Baby Beach. Por mira e fotonan cu e turistanan a saca di e
‘invasion’ cu a sorprende nan durante nan estadia na e beach.
