Page 20 - MIN.SOC JAN 27,2015

Paul Croes: Betico tabata un persona cu a logra uni e pueblo

Monday, 26 January 2015 18:20
Comparti

Minister di Labor, AsuntonanSocial y di Hubentud drs. Paul Croes diadomingo a participa den diferente
evento relaciona cu celebracion Dia di Betico.
Na final e mandatario a bisa cu e tabata un dia "hopi importante, pero specialmente pa nos hobennan
e tabata un dia unda mester para keto y mira riba pakico di e celebracion di e dia di awe." "25 di januari,
ta e fecha di nacemento di Betico Croes, Libertador di nos pais. Despues di un lucha grandi, na 1986 nos
a culmina e lucha aki cu e Status Aparte unda cu Aruba a haya un status autonomo den Reino Hulandes.
Y awe Aruba completo ta celebra e dia di Betico den forma hopi positivo." E mandatario tambe a duna di
conoce cu e no por keda sin menciona cu Betico tabata un maestro di scol, musico, atleta, politico y un
estadista cu a sa di pone un pueblo hunto, a pone un vision, apesar di diferencianan grandi cu por
tabatin. El a logra cu pasion, strategia, hopi energia, dedicacion y determinacion cu pueblo a para tras di
e meta aki y finalmente Aruba haya su Status Aparte. Gobierno ta poniendo enfasis riba e importancia di
e lucha aki. "Aruba awe ta un paso mas cerca di su entidad real pa motibo di esaki. Hopi aña nos tabata
en busca di e posicion aki debi cu nos tabata hinca den un constelacion diferente cu esun cu nos pueblo
tawata kier. Nos a haya chens pa desaroya nos mesun destino y awe nos ta mira resultado di esaki den
sector turismo, economia, salubridad y tur otro sector. Pesey awe nos ta celebra." E ta haya masha
importante pa hobennan busca pasa informacion y historia di Betico Croes, pa haya sa kende ta Aruba su
estadista y pakico mester celebra e fecha aki.

http://www.24ora.com/local-mainmenu-5/91092-paul-croes-betico-tabata-un-persona-cu-a-logra-uni-
e-pueblo