Page 35 - AVP

Pero tin otro ciudadanonan cu no ta aproba esaki; nan ta cansa, fada! Y e mayoria di
nan kier ricibi e decada nobo den paz y trankilidad. Na Aruba, maske con chikito nos
Isla ta, e mesun polemica ta presenta.

E violencia verbal di cierto politiconan di un y otro bando sin excepcion, y e pueblo ta
reacciona algun cu un mente y sentimento tambe di odio y rancor, y un segment grandi
di e pueblo tambe a cansa y a fada di scucha dia aden dia afo, y awo cu nos ta
acercando Pasco di Nacemento y Aña Nobo, e mesun letania cu ta parce no tin fin.

Pregunta: Kico e pueblonan ta gana cu esaki? Kico a cambia pafo di nos frontera y den
nos mes cas, cu e atakenan politico aki?

Di con e politiconan no ta uza nan energia, inteligencia, sabiduria, conocemento y mil
etcetera mas pa traha hunto y saca Aruba di su declive financiero? Ya no ta importa
mas ta ken a cause, pasobra posiblemente (kizas anto) tur gobierno tin un parti den dje
y no di awo sino di añanan caba!

Pueblo si kier mira un cambio, pero den e actitud di gobernantenan y ex-
gobernantenan, parlamentario y ex-parlamentarionan, di siguidornan y oponentenan di
un of otro color politico: nos tur ta biba bao e mesun cielo, nos ta honra e mesun

bandera di nos pais Aruba, nos tur kier lo miho pa nos dushi isla, pero no por sigui
predica y no practica loke nan y nos por haci pa beneficio di nos pais awo y pa nos, nos
millenniums y futuro generacionnan, cu por experiencia otro mentalidad y otro forma di
anda cu otro, y haci di e ciencia politico un ehercicio ehemplar pa nos region y henter

mundo! Ya basta señores!

Articulo basa riba compilacion di opinionnan publico personal y telefonico, durante e
ultimo simannan aki.

https://www.diario.aw/2019/12/politiconan-tur-haci-un-pausa-riba-criticanan-pisa-riba-otro/