Page 38 - AVP

Pa otro aña esta 2020 Aruba lo conoce un Surplus. Kico esaki kiermen? Aruba no
mester presta placa mas pa cubri tur su gastonan pero locual cu Aruba genera na su
entradanan mes lo ta suficiente pa cubri ful su operacion, te hasta esaki lo resta placa.
Pues lo bay tin mas entrada cu lo bay tin gasto.

E extra na entrada cu ta sobra ta e Surplus y e momento cu Aruba tin e extra aki Aruba
finalmente por cuminsa paga e debe di Mike Eman y AVP. Pa promer biaha den 11 aña
Aruba lo conoce bek un Surplus.

E ultimo biaha tabata na 2008 bou maneho di MEP. Parlamentario Endy Croes ta pidi
Aruba poco pasenshi y hunto nos lo persevera. E situacion cu a hereda di AVP no tabata
uno normal pero tampoco nos por bira lomba. Nos a bay eleccion pa asumi un

responsabilidad y esey ta locual nos ta haciendo.

Cu perseverancia y creatividad nan logra pone Aruba bek riba e bon caminda. Deficit di
444 miyon di Mike Eman y AVP pa un deficit di 4 miyon di Gabinete Wever Croes ta e
muestra di esaki cual merece un elogio na cualkier parti di mundo. Pabien Gabinete
Wever Croes.

https://www.diario.aw/2019/12/presupuesto-supletorio-neutral-lo-pone-aruba-bek-riba-e-bon-rails-
financiero/