Page 45 - MIN SOC, JULY 13

8 AWEMainta Dialuna, 13 Juli 2015

Chauffeur di
un Pickup a
ranca hydrant y
bandona e sitio

DIASABRA den oranan di atardi asistencia policial a wordo pidi banda di Price

Smart. Eynan un hydrant tabata sacando hopi awa. Te hasta e caminda a yena cu awa.
Polis na yegada a notifica WEB. Esnan den becindario y camaranan cu tin eybanda
a capta con un pickup shinishi dobel cabina a dal den e hydrant y ranca esaki cu e
consecuencia cu el a kibr’e pa cual masha awa a bay riba caminda.
E chauffeur a scoge pa bandona e sitio sin para responsabel pa loke el a haci. Ta trata
di un hydrant cu tuberia di 4 duim. E caminda tabata yen di awa.
Personal di WEB a yega y a sera e sistema p’asina por a drecha e hydrant atrobe pa
cualkier emergencia e por wordo usa atrobe.

Problema cu
hobennan di
Sabana Basora

ASISTENCIA di Polis a wordo pidi diasabra

00.24, na un cas na Pos Chikito unda hobennan
di Sabana Basora ta causando problema. N’e cas e
habitante, ta bisa cu un grupo di hoben di Sabana
Basora ta coriendo den e becidario den un auto
sin number y ta buscando problema. Tambe e
muchanan ta menasa e otonan cu arma.
Polis a core busca e auto, pero no a topa cune. Polis
lo sigui controla.