Page 18 - solo

Pagina 18
Solo Local.....
COSNAN CU TA HACI BO MUSTRA BIEU
-TRAHA DIMAS DURO
Nos tin di traha duro pa bai dilanti… esey ta berdad pero
trahando un trabao cu bo no ta gusta y cu ta stress bo of cu
bo tin di traha demasiado oranan, por acelera malesanan di
curazon y enbehecimiento di e cellnan.
-COME DEMASIADO CUMINDA CU TA CAUSA
INFLAMACION
Ora cu sucu y vet den cuminda reacciona cu proteina, por
causa daño na e curpa. Cumindanan prosesa tambe ta
causa inflamacion y oxidicacion cu ta un di e motibonan di
malesanan di curazon, weso, cerebro, cuero…etc.
-MESTER TRAIN CU PESO (HENDE HOMBER Y VOORAL
HENDE MUHER)
Hende muher ta perde mas o menos 5% di nan musculo
cada decada despues di a cumpli 30 aña di edad. Train cu
peso ta e UNICO manera pa evita esaki y mester menciona
cu train cu peso ta bon pa weso, energia, forza y pa evita e bay rond mundo na lugarnan manera Costa Rica, Okinawa y
cuero di colga!!!.
-DRUMI DEMASIADO TIKI ORA
Bo tin pa drumi…. drumi no ta un luho… e ta un nesesidad
pa bo salud! Ora bo drumi poco, e curpa ta produci
CORTISOL cu por enbehece nos paden y pafo.
-COME BON VET (vet saludabel)
Hopi hende no ta come suficiente bon vet y hopi hende
muher ta come menos bon vet mientras nan edad ta subi.
Vetnan di awacati, pinda, piscanan manera salmon y sardin,
oleifi.. ta boost salud di e cerebro, mantene e curazon
fuerte, combati Diabetici y por duna bo mas aña di bida.
MAL POSTURA
Despues di a haci 40 aña, nos ta perde 1cm di haltura
y cana cu lomba dobla of sinta malo of cu cabez den
e cellular, ta cosnan cu ta enbehece bo y afecta bo
fisicamente! Sea fuerte, flexibel y balansa.
-MAS INTIMIDAD
-Sex ta yuda na felicidad, un sistema imun mas fuerte,
mihor circulacion y hasta por duna bo 8 AÑA MAS DI
BIDA!!!! Tambe sex ta duna bo mas energia, drecha beis y
ta tremendo pa stress!
ESTUDIO TA CONLCUI CU FRUTA Y BERDURA DEN
BLEKI TA SALUDABEL !!!!
Basa riba e yamada cu Salud Publico tini pa promove e
consumo di berdura y fruta, E estado di Michigan a laga
haci un estudio riba berdura y fruta den bleki.
A sali na cla, cu consumo di fruta y berdura den bleki ta
ofrece nutricion apropia, ta algo cu esnan di menos recurso
por paga y e ta safe.
Ademas nan a conclui:
*Fruta y berdura den bleki tin e mes un balor nutritivo
cu fruta y berdura fresco…. y den cierto caso hasta ta
mihor. Un ehempel ta tomati den bleki tin mas lycopene,
un nutriente cu ta reduci cancer y tambe mas vitamina
B cu tomati fresco. Tin cierto berdura den bleki manera
boonchi cu ta haci e fibra mihor accesibel pa e curpa su
consumo.
Diahuebs 23 April 2015
*Famianan por amplia nan budget mensual pa loke ta
cuminda cumprando berdura y fruta den bleki. Esnan
den bleki ta 50% mas barata cu esnan frozen y 20% mas
barata cu esnan fresco.
*Fruta y berdura den bleki ta smaak bon y e ta bon pa
nos salud. E manera di procesa cuminda den bleki na
temperatura halto, ta un di e manera nan mas sigur
pasobra e sistema ey ta preveni e crecemento y aumento
di micro organismonan. Esaki ta un punto super valioso.
Mi ta kere esaki ta un informacion super valioso pa nos
hendenan aki na Aruba cu awor nos sa cu nos tur por
beneficia saludablemente di fruta y berdura den bleki.
BIBA LARGO!
Pa biba largo, tin di haber cu con FIT bo ta….!!! Ora cu a
Sardinia caminda cu hopi a biba pa 100 aña, a conclui cu e
hendenan aki tabata tin 3 cos den comun;
1. Nan tabata FISICAMENTE fit…
2. Nan ta come cumindanan di tera
3. Nan bida social y nan relacionnan.
Pues un di mi consehonan personal ta rondona bo mes cu
hende activo tanto fisicamente como mental y cu esnan cu
ta hiba un bida saludabel pa loke ta nutricion. Hopi biaha si
esnan rondo di bo ta foi shape y subiendo di peso, cu abo
tambe lo pasa mescos. Ban wak loke ta necesario segun bo
edad ta subi:
-20 pa 30 aña
Focus riba crea y haya mas musculo ya como pa
abo e hende homber den e periodo ey di bo bida bo
TESTOSTREONE ta mas halto cu nunca.
-30 pa 40 aña
E periodo aki sigui hisa peso pero FITNESS en general ta
cuminza bira mas importante ya cu casi sigur bo lo tin un
carera of un famia y menos tempo pa train hopi. Mantene un
schedule cu ta combina hisa peso cu cardio.
-40 pa 50 aña
Aki balans y flexibilidad ta bay hunga un rol. Combina bo
gym cu Yoga of Tai Chi.
-50, 60 aña y bay ariba
Interesante pa sa cu na e edad di casi 60 aña, bo nivel di
fitness por ta mescos cu dia bo tabata tin 20. E tempo ey bo
lo por a bula mas leu of mas halto pero e nivel di fitness si
por ta mescos.