Page 21 - MIN TTC 9 DEC 2015

Turistanan ta wordo cobra 3 dollar pa cabes pa chofernan
cu ta core ruta downtown!

Publication: Wednesday, 9 December 2015. Categoria: General

Competencia inhusto y abuso barbaro:

ORANJESTAD (AAN) – Departamento di Transporte Publico y Minister di Transporte, mester
investiga e abuso cu varios chofer di bus chikito cu ta core e ruta “Downtown” ta haci cu
turistanan.

Nan ta cobrando cada turista cu subi nan bus 3 dollar, cu den florin ta 525 florin. Ningun
momento e chofernan tin permiso pa cobra mas cu doble di e tarifa normal na e bishitantenan, y
muy posiblemente nan ni ta declara na Oficina di Impuesto loke nan ta gana di mas for di e
turistanan.

Esaki nan ta haci den dia cla, dilanti wowo di tur e pasaheronan local cu ta sinta den e bus y cu ta
bira cara wak otro cu sorpresa, y ta comenta “ki abuso”!

E chofernan di bus aki ta competi cu Arubus, cu ta cobra e mesun tarifa pa local y turista cu ta
subi bus cu placa cash, y hasta nan ta haya e oportunidad di bay cumpra un carchi cu cual por
viaha pa un tarifa mas abao. Mientras Arubus su tarifa pa esnan cu no ta uza smartcard ta 4
florin, incluyendo turistanan, esnan cu ta core e ruta downtown (e mesun cu Arubus ta core pa
area di hotel) ta cobra 1.25 mas y 275 mas cu e tarifa normal di servicio di autobus!

Y esaki ta riba un ruta straight, kiermen hotel ciudad-ciudad hotel, no cu nan ta lora bay otro
caminda desvia for di e ruta. Na Januari proximo, segun e Minister di Transporte a declara den
un conferencia di prensa, e transporte publico ta aumenta na 3 florin pa autobus y tambe pa
Arubus si bo ta uza smartcard y 5 florin pa e pasaheronan cu ta cumpra smartcard. Pero ainda
esaki no ta oficial y ya caba e chofernan di bus di downtown ta cobrando 3 dollar na cada turista,
sin cu nan tin permiso pa haci esaki. Cu ta un abuso, ta un abuso sin duda algun!

http://www.diario.aw/2015/12/turistanan-ta-wordo-cobra-3-dollar-pa-cabes-pa-chofernan-cu-ta-core-
ruta-downtown/