Page 4 - AHATA

DIABIERNA 26 SEPTEMBER 2025 DIARIO PAGINA 9
Sindicato SPA ta OK pa

Warda di Polis bay Cumana

pero tin di wordo haci bon

ORANJESTAD (AAN) E presidente di Sindicato di Po-
lis, señor Rodney Solognier, mescos cu su coleganan di
KPA, ta haya cu e ubicacion di edificio di antes Codemsa,
ta un salida tremendo cu bista pa tur direccion. “Nos a
perde varios oportunidad caba den pasado, manera John
F Kennedyschool, DOW, y mi ta kere cu awo cu nos ta
hayando e oportunidad aki, mi ta kere cu e ta un bon
idea, pero mester saca e miho di dje.
Solognier a señala cu un inversion manera gobierno
ta bay haci den edificio antes Codemsa, ta un bon in-
version, pero no ta barata. “Pues laga nos haci’e hopi
bon, laga nos haci’e perfecto pasobra dia di mañan, se-
ñor Dowers, mi persona y nos tur lo ta pensiona y nos ta
mas den e funcion cu nos ta eherce, pero nos por laga un
bon legado pa e generacionnan futuro”, señor Rodney
Solognier a remarca.

Marlene trahando 10 aña caba cu Do It Center

ORANJESTAD (AAN): Un momento di elogio y sigur felicidad tabatin recien na Super Do It
Center na Shaba, ora cu gerencia a recorda e hecho cu diez aña pasa, Marlene Suarez Zabala a
drenta den servicio cu e compania, y keto bay ta haci su best pa brinda e mihor servicio.
Gerencia a nota cu esaki tabata un decada unda Marlene a haci un diferencia, dia pa dia
trahando eynan. Tanto staf y personal ta hopi agradecido pa e servicio cu Marlene a bin ta
dunando.
For di man di gerencia el a ricibi un certificado di reconocemento, un plaquette, y tambe e
acostumbrado envelop.