Page 12 - AM200421
P. 12
12 AWEMainta Diamars, 21 April 2020
Aruba One Happy Island Lions Club a haci donacion
na varios instancia pa famianan den necesidad
DIABIERNA ultimo Aruba One Happy Island Lions a
haci donacion di productonan na un total di 8 instancia e.o.
Fundacion Pa Nos Comunidad, Fundacion Oasis of Love,
Imelda Hof, Stichting Algemene Bejaarden Aruba, Sticht-
ing Hope, Fundacion Juan Pablo Duarte y varios famia den
necesidad.
Nos pais igual cu mundo henter ta pasando den un situa-
cion dificil pa motibo di COVID-19 y e consecuencianan cu
esaki ta trece cune.
Donacion di pakete di cuminda n’esnan den necesidad ta
un di e programanan di servicio humanitario di Lions Club
Internacional p’asina yuda combati hamber. Como organ-
isacion nos kier contribui pa miembronan di comunidad tin
aceso na alimentacion.
E donacion haci n’e diferente instancianan aki lo wordo en-
trega na famianan den necesidad. Aruba One Happy Island
Lions Club cu e obra aki haciendo un donacion di mas di
8000 producto nos ta duna di nos parti p’asina yuda fami-
anan cu ta den necesidad urgente.
E donacionnan aki por wordo realiza danki na un contribu-
cion special y cooperacion cu e organisacion a ricibi pa cual
den nomber di Aruba One Happy Island Lions Club y tur e
famianan nos ta gradici p’e bunita gesto aki. E atardi aki
tambe como muestra di aprecio Aruba One Happy Island
Lions Club a haci uso di e oportunidad pa treat miembro-
nan di Cuerpo Policial cu dushi koekinan.
E organisacion di Leonnan den servicio na comunidad ta
gradici y reconoce e trabao y esfuersonan haci di tur sec-
tor den nos comunidad, publico, priva y como tambe tur
organisacion no-gubernamental y boluntarionan cu ta
dunando un man p’asina alivia famianan cu ta pasando
den un situacion hopi dificil. Danki y cu hunto nos keda
demostra e solidarismo y empatia p’esnan cu mas mes-
ter di dje den nos comunidad den e periodo dificil aki.
