Page 7 - AM200919

Diasabra, 19 September 2020 AWEMainta 7

Parlamentario Edgard Vrolijk (MEP):

Ley di integridad di Ministernan ta cla

CU hopi orguyo, Parlamentario di MEP, Edgard
Vrolijk ta informa pueblo cu e ley di integridad
di Ministernan ta cla y cu pronto lo por ser trata
manera tabata e caso di e ley di financiamento di
partidonan politico. Asina a cumpli cu locual partido
MEP a bay campaña cune y sigur unabes cu e ley
aki pasa e Kamber di Integridad ta cla pa cuminsa
funciona pasobra nan tin na nan disposicion e
aanbestedingsverordening, e ley di financiamento
di partidonan politico y e ley di integridad di
Ministernan.

E ley di integridad pa Ministernan
Despues di a pasa no un, pero dos biaha na Raad
van Advies y tur dos biaha a haya dictado tremendo,
awor e ultimo ahustenan conforme e consehonan
ricibi a ser ehecuta y awor a manda esaki DWJZ
p’e ultimo control tecnico pa por presenta esaki na
Parlamento pa ser trata. Esaki lo por tuma lugar den
e siman di 28 di september dependiendo e agenda
di Parlamento. Un ley cu lamentablemente di 2016
ya mester tabata aplicabel, pero no a ser ractifica
pa motibo di cambionan fundamental den e ley pa
por acomoda un Minister cu e tempo ey di partido
AVP tabata sera. Y sigur na momento cu el a drenta
como Parlamentario a traha riba esaki pa nos isla no
ser poni nunca mas na berguensa den Reino, segun
Edgard Vrolijk.E ley aki lo percura pa transparencia
y sigur lo empedi conflictonan di interes, pero sigur
unda cu pueblo por sa con un gobernante ta yega na
su bienesnan.

Siguiente proyecto
E siguiente proyecto cu Edgard Vrolijk hunto cu
Parlamentario Hendrik Tevreden lo ta cabando
cune t’e Reglamento di Ordo nobo pa Parlamento.
Uno sigur cu lo haci e trabaonan mas efectivo unda
reunion por cana hopi mas liher, pero tambe cu lo
percura pa Parlamentarionan respeta e entidad di
Parlamento, cu pueblo a escoge nan pa traha y acudi
na trabao y sigur e muchachada di ken mester forma
quorum ta cos di pasado.
Pasobra tur 21 Parlamentario ta ser paga igual y ta
pueblo a escoge nan pa representanan y ta placa di
pagado di belasting ta paga nan salario y nan por
mustra respet na pueblo di yega trabao y percura pa
reunionan cuminsa na ora y no tin discucion mas ken
mester tene quorum paso esaki ta responsabilidad
di tur 21. Den esaki mester trece cambio den nos
constitucion y mester 2/3 di Parlamento p’esaki por
ta posibel y pueblo por wak di biaha ken ta traha na
bienestar di pueblo y ken ta sirbi su partido y su mes.
Pa termina EdgardVrolijk ta bisa cu su persona ta
para fuerte pa fortifica nos sistema democratico y
sigur pa percura pa den un futuro ora pueblo bay
urna e por tin e confiansa cu bagamunderia di pasado
no lo ta posibel mas.