Page 39 - EXTRA
P. 39
Djaweps 1 Febrüari 2018 39
Segun Dr. Dino Daal, enkuesta den periodo di karnaval
ta mustra
E turista ta konsiderá nos
hendenan amabel i servisial
WILLEMSTAD.- Den
e enkuesta ku Ofisina di
Turismo di Kòrsou (CTB) a
hasi e último dos añanan
relashoná ku satisfakshon
di turistanan pa loke
ta karnaval a revelá ku
turistanan ta haña trahenan
den nos karnaval komo
algu bunita. Ademas nan a
keda satisfecho ku e parti di
entretenimentu. No balotá
nos hendenan den periodo
di karnaval tampoko,
pasobra den e enkuesta aki
turistanan a duna di konosé
ku nos hendenan ta amabel,
servisial. Esei tambe ta bisa
ku hopi di e skor pa loke ta
satisfakshon. Asina dr. Dino
Daal a trese dilanti durante
un presentashon ku el a
duna komo resultado di e
enkuesta ariba menshoná.
Mas aleu el a splika ku,
a base di e preguntanan ku
a ser hasí, por lo general
turistanan ta ménos inkliná
di bai partisipá den karnaval
den futuro. Esaki ta no
opstante ku nan a disfrutá
si di e karnaval.
Tambe komo parti di e
modelo den e enkuesta,
a trata di midi e lealtat,
den e sentido ku lo tin
turistanan ku lo regresá
sea ta pa karnaval òf pa
fakansi òf un biahe di
plaser. T’asina ku e turista
a inkliná na rekomendá
famia i amigunan pa
bishitá Kòrsou pa karnaval,
i tambe lo rekomendá pa
bishitá Kòrsou tambe komo
destinashon partikular.
E skor di mas abou ku a
keda registrá ta ku, e turista
ta ménos inkliná di kompartí
su eksperensia ku otronan
riba medionan sosial, pues
via di WhatsApp, Facebook
etc. E resultado dje parti aki
dje enkuesta bo a bisa ku
nan lo no hasié, sino ku nan
ta ménos inkliná pa hasié.
Esei tabata un pregunta hasí
riba un eskala di 1-7, i den
esaki nan a skor algu mas
ku 5. Segun sr. Daal, a duna
e turistanan e oportunidat
di kategorisá nan bishita na
Kòrsou di no-satisfecho te
kompletamente satisfecho, i
di un eskala di 1 pa 7. I den
e kategoria aki nan a marka
algu mas ku 6, loke ta hopi
bon. Pues tantu Kòrsou
komo destinashon i tambe
pa loke ta e evenemento
aviso@extra.cw Sigui lesa pagina 48
