Page 56 - MIN JUS 12 APRIL 2016

Nos ta sigui cu e mesun animo y determinacion!

Monday, 11 April 2016 20:14
Comparti

Despues di un periodo dificil, cu ayudo di un intermediado cu amistad entre ambos partido, mi por bisa
awe cu hopi orguyo cu nos a yega na un acuerdo pa sigui padilanti. Mi ta referi na mi relacion di trabou
cu e matutino mas grandi di Aruba, esta DIARIO.
Mi a cuminsa traha na Diario dia 1 di september na aña 1997 pues ta na vispera pa celebra casi 20 aña di
lealtad y di trabou duro, incluyendo fin di siman y dianan di fiesta. Ta mi vocacion esaki, di informa
comunidad di Aruba cu mi fotonan exclusivo y hopi bes cu mi noticianan exclusivo tambe. Esey por a
logra dor di a forma un red di fuentenan den tur sector di nos comunidad.
Un diferencia di opinion sinembargo a pone nos un rato riba un ruta diferente, pero awe a sinta hunto cu
propietario di Diario, Jossy Mansur na su cas y su yiu Jossito Mansur y a repasa tur e
acontecimientonan. A enfoca riba e asuntonan cu semper a trece nos cerca di otro, mas cu riba esunnan
cu a distancia nos pa un momento.
Pero na final, cu masha orguyo y cu un curason limpi y habri, mi ta avisa tur hende cu diferencianan a
keda pa pasado y Speed Andrade lo sigui informa comunidad atrobe via e corant mas lesa y mas stima
riba nos isla.
Mi kier a gradici famia Mansur pa e confiansa di semper y di mi banda nan por conta cu e mesun
velocidad y veracidad di semper.
Prome cu e encuentro aki tabata representantenan legal di ambos partido tabata atende cu otro riba e
disputa cu tabata tin. Ambos abogado a wordo notifica di e resultado di e encuentro aki dor di partidonan
y asina nan tarea tambe a termina.
Boso sirbidor,
Nelson M. "Speed" Andrade

Mervin Wyatt-Ras: MEP cu un actitud di “yo no fui” durante
tratamento di cambio di leynan

Monday, 11 April 2016 19:40