Page 62 - MIN JUS 12 APRIL 2016

droga y alcohol, e ta bira un persona violento. Esaki a pone cu e no tabata tin un bon relacion cu su
yiunan. Pero aworaki ta trahando ariba esaki, y e relacion ta ariba un bon caminda.

VICTIMANAN
Presente den sala di Corte tabata tambe e victimanan di E.S. Tur a coincidi ariba e punto cu nan no
kier entrega un demanda di daño pero mas bien lo kier pa e acusado bay bek ariba e bon caminda,
y zorg pa su yiunan.

EXIGENCIA FISCAL
Fiscal den su betoog a bisa cu pa drenta y horta den un cas e castigo minimal ta di 5 luna. Pero
mester tene cuenta tambe kico cada un di e victimanan ta sinti ora cu un ladron ta drenta y bay cu
su cosnan. Rapport di psicologo ta mustra cu E.S. si ta responsabel di su actonan. Facilmente lo por
pidi 12 luna di prison, y esaki ta solamente pa e ladronicia. Ainda falta e castigo pa maltrato. Pero
fiscal a pidi 8 luna, kitando e tempo cu el a pasa caba den detencion preventivo.

ABOGADO
Abogado mr. Faarup den su betoog a mustra riba e hecho cu aña 2015 tabata prome biaha cu E.S.
a hay’e den problema cu husticia . situacion na cas ta pon’e cu e ta bay horta y tambe su problema
cu adiccion. Pero toch el a admiti y a coopera cu e investigacion. P’esey e ta haya toch cu exigencia
di fiscal ta mucho halto. Un castigo condicional lo yuda e acusado den busca un trabao y asina
yud’e keda leu di problema.

SENTENCIA
Hues a cera tratamento di caso y a dicta sentencia di biaha. E ta haya cu ta legalmente proba e
casonan di ladronicia. Si e ta di acuerdo cu e acusado mester busca un solucion pa su problemanan
di adiccion. E.S. ya caba un biaha tabata den un programa di rehabilitacion, pero e no a caba cu e
programa. Considerando cu e acusado tin un blanco strafblad, hues a dun’e un castigo di prison di
12 luna, di cual 8 ta condicional, cu un periodo di prueba di 2 aña, kitando e tempo cu ya caba el a
pasa den detencion preventivo, cual ta 40 dia. Acusado ainda lo mester sinta 2 luna y mey mas. Si
acaso e hay’e un biaha mas den problema cu husticia, e ora ey si E.S. lo mester sinta 8 luna den
K.I.A. Por ultimo hues a conseh’e pa e tuma contacto cu Reclassering, asina cu e sali. Na e
momentonan aki, e ta bou guia di trahado social den K.I.A.