Page 12 - AM200618

12 AWEMainta Diahuebs, 18 Juni 2020

Telefon pa Hubentud Aruba

ta ofrece e workshop:

E normal nobo?!

DURANTE ful e temporada di pandemia di Covid-19
Telefon pa Hubentud a keda scucha nos mucha y nos ho-

benan. Algo cu a bin varios biaha padilanti t’e peticion di nos

mucha y hobennan pa papia tocante nan experiencia cu e
pandemia di Covid-19.

Debi n’esaki Telefon pa Hubentud a desaroya un workshop
tocante e tema di pandemia di Covid-19.

Telefon pa Hubentud ta haya cu no por djis yega sigui mane-
ra cu nada no a pasa, pero juist -mester tuma un momento

pa papia cu nos mucha-, hoben- y adultonan tocante nan ex-
periencia cu henter e pandemia di Covid-19. Si nos mucha-,

hoben- y adultonan no papia tocante nan experiencia cu e

pandemia di Covid-19, esaki por bay zorg pa efectonan nega-
tivo den futuro. Banda di pobresa y abuso contra di mucha y

hoben, e lo por bay zorg pa problemanan mental den futuro.

E workshop cu ta carga e nomber di E normal nobo?! a ser

ricibi hopi bon bao di scol y profesionalnan na Aruba. Cu e

workshop aki tur persona den un team, den un klas of na un
scol ta haya mas comprension pa otro su pensamento y sinti-

mento n’e momentonan aki.
P’e simanan cu a resta di e aña escolar aki Telefon pa Huben-

tud ta ful gebooked. E scolnan cu tog kier haci un peticion

ainda p’e workshop aki, por tuma contacto cu Telefon pa
Hubentud p’asina nos wak con nos lo por yuda ainda.

Banda di ofrece e workshop aki n’e alumno y teamnan di

scolnan, a haci e workshop aki cu hobennan di cuatro organ-

isacion cu ta traha cu hoben na Aruba. Ta trata di Interact,
Parlamento Hubenil, Heart Centered Leadership Founda-

tion y e Jongerenraad di Fundacion Telefon pa Hubentud

Aruba.
Di e manera aki por a haya un bista for di e hobennan con

nan a experiencia e pandemia di Covid-19. E workshop cu e

hobennan a ser graba y lo por ser mira pronto na television.

Pa mas informacion tocante e workshop E normal nobo?! of
otro charlanan por tuma contacto cu Fundacion Telefon pa

Hubentud Aruba via nos facebook: https://www.facebook.

com/telefon.hubentud/, email: telhubentud@gmail.com, web-
site: 131.aw of telefon: 588-6138.