Page 17 - WEB
P. 17
Mas ainda, n’e recien Asamblea General di Nacionnan Uni e topico di Cambio di Clima
tabata n’e top di e agenda.
Un cantidad di pais a compromete nan mes pa yuda combati cambio di clima dor di
reduci nan emisionnan. Aruba tambe tin intencion di bay comete su mes na metanan
realistico.
Durante e cumbre, un di e observacionnan importatante tabata cu sector di energia ta
importante, no solamente pa motibo di sostenibilidad, pero pasobra e ta afecta henter nos
pais. Entre otro sector di energia ta impacta habilidad di nos hendenan pa por paga
necesidadnan basico manera awa y coriente.
Sector di energia ta afecta nos economia den su totalidad – e tin un impacto macro
economico; riba inflacion, balansa di pago y reserva di devisas. Y sector di energia ta
afecta nos medio ambiente y e tin impacto riba cambio di clima. Tur esaki lo tuma den
consideracion pa desaroya e vision y maneho di energia nobo.
Prome Minister Evelyn Wever-Croes: “Finalmente a expresa cu e instancianan concerni
lo traha hunto p’asina prome cu fin di aña Gobierno por presenta e vision di energia nobo
na Parlamento y na comunidad. Pa yega n’esaki tambe lo consulta cu stakeholders
(gremio) externo”.
