Page 20 - WEB

A keda sorprendi pa motibo cu semper Gobierno a bisa cu e dump ta cera caba.

Sinembargo ta mira autonan ta drenta e area aki continuamente.

P’esey tambe e pregunta ta surgi, si esaki no ta un candela intencional den cuadro di e ley

di Serlimar cu ta pendiente den Parlamento. Hopi ta bisa cu esaki ta un forma di pone

presion pa e ley haya e apoyo necesario. E ta un forma pa hunga cu emocion di hende,

manera di e habitantenan di Parkietenbos.

Ya caba a mira cu Parlamentario Daphne Lejuez a pone un comentario riba su Facebook.

El a bisa: “Na momento cu mi a post esaki dump di Parkietenbos ta na candela atrobe y

mi ta mas convenci cu nunca: Boluntad politico ta importante ora di mester ta critico pa

asina fortalece e fundamento di nos leynan ambiental den forma duradero. E problema di

desperdicio no ta solamente limita na Parkietenbos y tampoco na Serlimar. E problema ta

uno fundamental y structural den nos leynan ambiental y leynan cu ta clasifica kico

desperdicio ta y con pa actua ariba esakinan, algo cu ley riba mesa di Serlimar no ta

specifica y segun mi punto di bista no ta brinda e base legislativo pa evita un otro

desaster ambiental manera Parkietenbos di bolbe ripiti. Mi ta sigui haci mi trabao como
parlamentario, no pa beneficionan of “quick-wins” politico, sino pa bienestar di mi pais.

Post 5, 6 y 7 analisando e articulonan di ley di Serlimar ta na caminda. Danki na e
ciudadanonan cu a comparti e potret y videonan aki. Mi ta aprecia esaki enormemente.”

Pues e hecho cu di repente tin un candela riba dump ta hopi straño, mas pasobra e acceso

ta limita, di loke por a compronde.