Page 21 - ARUBA BANK

AWEMainta Diahuebs, 2 November 2017 7

E promer reunion publico di e Parlamento nobo

no tabatin e nivel cu mayoria ciudadano a spera

Mocion di desconfiansa contra ex-Minister Paul Croes a keda aproba cu un mayoria di 12-9

AYERA tabatin e prome reunion publico yama p’e
Presidente nobo di Parlamento, esta sr. Guillfred Be-
saril, unda cu e 2 puntonan pa trata tabata e status di
ex-Minister Paul Croes, y e renobacion y expancion
di Dr. Horacio Oduber Hospital.

Notable tabata e hecho cu mientras tabatin dos punto
di agenda pa trata, practicamente henter e reunion a
bay rond di e caso di ex-Minister Paul Croes.
Oposicion a califica e prome reunion di e Parlamento
number 10, como un “heksenjacht”, vengansa y hasta
persecucion politico.
Di parti di e partidonan den coalicion, por a scuchan-
an categorisa e reunion aki como uno di restauracion
di integridad den Gobierno. A bisa cu no ta trata di un
persecucion politico, pero ta trata di un persecucion
legal unda cu ta investigando un caso bastante serio
contra di un Minister di Aruba.

Un reunion unda cu a spera di mira un nivel di Parla-
mento hopi mas halto di loke nos a custuma di mira
den e ultimo 8 añanan, pero lastimamente no por a
sinti e cambio cu tanto ta papia y boga p’e.
Cu excepcion di algun ‘rookie’ den Parlamento, por
a mira cu a bay bek n’e custumber politico bieu di
tira lodo riba otro.

Na final di e reunion a aproba un mocion presenta p’e
partidonan den coalicion unda cu ta kita e confiansa
for di ex-Minister Paul Croes, considerando e hecho
cu e ex-mandatario a bira sospechoso den un caso
basta serio di corupcion, unda cu el a keda priva di
su libertad durante su status como Minister, aunke
e no tabata fungiendo como tal.
E siguiente reunion, unda cu lo bay trata e punto di
e renobacion di hospital, lo sigui diamars otro siman.