Page 101 - MIN VOS
P. 101
Servicio Veterinario ta informa riba casonan
di Distemper
6 June, 2017
0
Servicio Veterinario ta informa comunidad cu actualmente tin un brote di
“DISTEMPER”, un enfermedad viral cu ta afecta cacho di cualkier edad cu no ta
vacuna debidamente. Ta transmiti e virus via aire of tambe via contacto directo
cu un otro cacho infecta. Pa preveni e enfermedad di Distemper, ta
recomendabel pa vacuna bo cacho na un di e clinicanan veterinario. Distemper
por tin consecuencia fatal pa cachonan cu no ta vacuna.
E sintomanan cerca un cacho infecta cu DISTEMPER ta cuminsa cu keintura y
hopi biaha un tiki diarea; Despues di 1 siman por mira “verkoud” pisa: wowo
sushi, nanishi ta core pus, tosamento, falta di apetit y keintura; Despues e
virus ta ataca e nervionan di e cacho, temblamento di musculo, specialmente e
musculonan riba su cabes ta hopi tipico.
Pa mas informacion por tuma contacto cu bo veterinario.
