Page 96 - MIN VOS

Inscripcion pa Feria Nacional diasabra awor na Rancho La
Ponderosa

Tuesday, 06 June 2017 17:16
Comparti

Diasabra awor lo tuma lugar inscripcion pa e Feria Nacional 2017, organisa pa Organisacion Caballista
Arubano. Inscripcion lo ta diasabra cuminsando 7'or di anochi pa 9'or di anochi na Rancho La
Ponderosa. Ta premira un bon cantidad di participacion pa e Feria aki, cual lo ta e tercer feria di 2017, y e
ultimo feria prome cu Interpaso.

Feria Nacional lo tuma lugar diasabra 17 y diadomingo 18 di juni na Villa Floralina. Lo tin categorianan
di cabay como tambe jinete y amazona. Ademas di e categorianan regular, lo tin e oportunidad pa jinete y
amazona competi den 'Youth Horsemanship'. E categoria aki ta special pa esnan cu no ta un nivel
competitvo di Equitacion pero kier demonstra nan habilidad den loke ta e control y dominio di cabay.
OCA ta spera cu e categoria aki ta stimula mas participacion di mucha den e competencianan. Otro
categoria lo ta esun popular di Donjonan Juvenil, caminda cada mucha tin cu participa cu nan mesun
ehemplar. Por ultimo mirando e competencia lo ta riba dia di tata, OCA tin un categoria special pa e
tatanan.