Page 3 - AM210309

Diamars, 9 Maart 2021 AWEMainta
Gobierno ta impone reglanan pa entiero cu realmente no tin base legal
Dignidad di e difunto, tradicionnan cultural,
religioso y di famia tin cu wordo respeta
Prome Minister Evelyn Wever Croes a declara cu maneho di
entiero ta algo cu a wordo publica for di aña pasa dor di Crisis
Team den luna di november y cu lo actua contra esnan cu ta
viola e palabracionnan cu a wordo stipula.
Sinembargo mas y mas ta bin dilanti aki cu mientras cu Prome
Minister ta papia di un decision di Gobierno y di Crisis Team
den e tempo di pandemia di difuntonan dor di Covid-19, World
Healthe Organisation mes ta papia un lenguahe totalmente
diferente. Esaki ta pone cu en realidad Gobierno y ni su Crisis
Team bin un base legal hustifica pa impone e medidanan cu nan
a sugeri pa con tin cu anda cu curpa di un persona cu a fayece
pa motibo di Covid-19.
Den un publicacion di World Health Oranisation cu ta fecha for
di 24 di maart di 2020, ta stipula bon cla henter e proceso aki
caminda ta a informa lo siguiente:
“This interim guidance is for all those, including managers
of health care facilities and mortuaries, religious and
public health authorities, and families, who tend to the
bodies of persons who have died of suspected or confirmed
COVID-19. These recommendations are subject to revision
as new evidence becomes available. Please refer to the WHO
website for updates on the virus and technical guidance.”
Den e publicacion aki cu ta bay cumpli un aña vigente, WHO
ta mustra un aspecto diferente na loke Gabinete Wever Croes
ta trata di confirma su rason den e caso caminda famia di Sofia
Croes a pidi pa mira nan difunto stima prome cu el a wordo
dera.
Ningun caminda den e documento di WHO, ta para cu mester
hinca e ser keri den un saco di plastic, cu mester pone den
un asina yama body bag y cu e tin cu wordo crema sin cu su
famianan a despedi di dje y sin por a mira nan ser keri pa ultimo
biaha den su despedida di e mundo aki.
WHO ta adverti tur hende, principalmente esnan cu tin cu
atende cu curpa di e difunto, con nan tin cu atende cu esaki,
evita cualkier likido cu e curpa por saca y otro medidanan di
precaucion, pero a enfatisa cu mester por respeta digidad di e
curpa, entre otro mustrando:
“ The dignity of the dead, their cultural and religious
traditions, and their families should be respected and
protected throughout;
Hasty disposal of a dead from COVID-19 should be avoided;
Authorities should manage each situation on a case-by-
case basis, balancing the rights of the family, the need to
investigate the cause of death, and the risks of exposure to
infection.”
Pues ningun momento tin motibo pa exclui deseonan di famianan pa
con nan por despedi di nan famia, solamente cu mester adverti riba
kico por y kico no por como medida di precaucion.
3
Fuera di e punto importante aki cu ta bolbe mustra cu tanto
Gabinete Wever Croes den su maneho hunto cu Crisis Team ta
violando reglanan stipula pa WHO, tin otro asunto sumamente
interesante, esta e forma con ta hinca curpa di hendenan cu a
fayece di Covid-19, den saconan di plastic y despues di e asina
yama ‘body bag.’
Aki tambe World Health Organizationa mustra bon cla lo
siguiente, hunto cu e forma con esnan cu tin cu maneha e
curpa asina cu e persona a muri pa transporta esaki despues p’e
funeraria y despues famia cu ta bisa:
” Wrap body in cloth and transfer it as soon as possible to
the mortuary area;
There is no need to disinfect the body before transfer to the
mortuary area;
Body bags are not necessary, although they may be used for
other reasons (e.g. excessive body fluid leakage); and • No
special transport equipment or vehicle is required.”
Pues e discusion cu tin n’e momentonan aki y e decision di
Gobierno pa impone su medida pa loke ta regarda medidanan di
proteccion na momento di entiero, no ta cuadra cu loke WHO
ta mustra den su nota cu ta data for di 20 di maart di 2020 y cu
no a cambia.
Den e discusion cu ta mustra riba un labamento di man formal
di parti di Gobierno, famia di Sofia Croes tin tur rason di exigi
pa nan por a despedi di nan ser keri y WHO den su memo a
mustra esaki tambe cu ta lo siguiente:
“Family and friends may view the body after it has been
prepared for burial, in accordance with customs. They
should not touch or kiss the body and should wash their
hands thoroughly with soap and water following the viewing;
physical distancing measures should be strictly applied (at
least 1 m between people).”
Pues en realidad ni famia di Sofia Croes y tur otro famia cu kier
mira nan difunto prome cu e wordo dera of crema, ta posibel,
pero tin cu tuma medidanan di precaucion y proteccion, pero
ningun momento World Health Organization ta papia di hinca
e curpa den un saco di plastic y no laga ningun hende bin cerca
di e curpa.
Famianan por despedi y aki na Aruba tin varios caso caminda
ta pone un pida glas riba cara di e difunto ora cu e ta wordo
expone pa famia y conocirnan despedi di dje, pues tur ta cuadra
den loke WHO a prescribi.
E unico punto cu kisas por discuti ariba cu e cas funeraria cu
a atende e caso di famia Croes, ta cu kisas no a supervisa si a
mishi of sunchi e difunto, pero aki tambe WHO ta mustra cu
mester respeta derecho y tradicion di famianan envolvi.
Por lesa mas di opinion di WHO den e edicion aki.
LESA MAS na pagina 21 >