Page 3 - WEB

Segun Premier Wever-Croes, tin di compronde cu tin proyectonan andando of tin cu
para proyecto of hisa prijs di coriente pa por complace cu e deseo di gobierno.

Prome Minister a splica cu prome cu a yega na e anuncio dificil cu tin cu introduci un

crisisheffing, a splica cu ora cu a drenta den gobierno a topa cu un situacion asina dificil
cu a haya nan obliga di bay wak con ta bay atende cun’e mesora.

Prome cos cu a haci ta baha gasto den gobierno mes. A duna ehempel den bureau di e

minister, a baha 8 miyon Florin na salario. Pero esey no tabata suficiente. Di dos paso
cu a haci ta cu a bay na e companianan estatal. Aki ta caminda cu a pidi tur e
companianan estatal algun cos.

Pa cuminsa a pidi nan cada un e corporate governance code, pasobra den cuadro di
integridad tin pensa di bin cu un instituto cu ta bay vigila e cumplimento di good
corporate governance, y e temanan di integridad di nos companianan estatal.

Den un carta a splica cu gobierno, ta pasando den momentonan hopi dificil. No tin
placa. Mester corta casi te na weso y e ora na e momentonan aki ta momento cu a haci
un suplica riba e companianan estatal, pa tambe austerisa. Pa tambe baha gasto pa
haci un quick scan y den dos siman informa con hopi gasto nan por baha.

Si ta e momentonan di austeridad, por ehempel nan por biaha poco menos, uza mas
Skype, of cumpra menos auto y usa e autonan poco mas, etc.

Gobierno a pidi cada un pa bay wak den nan mes, sin cu bisa nan kico nan mester haci,
pero mira con nan por baha gasto. No ta husto cu gobierno cu ta doño di e
companianan ta pasando den momentonan dificil, cu pueblo di Aruba, cu ta doño di e
companianan tin cu paga un crisisheffing y den e companianan estatal ta keda riba un

nivel di gasto hopi halto.

Esey ta e pregunta cu e prome minister a haci y a pidi nan tambe a base di esaki,
cuanto dividendo adicional e ora. Ora cu baha gasto tin mas ganashi y cuando

dividendo adicional gobierno por conta riba dje. Di parti di Utilities y di parti di RDA a
haya esakinan prome cu a traha e nota di cambio cu a bay parlamento y den e nota di
cambio e ora a haya un carta di Utilities cu ta bisa cu 25 miyon por bin riba mesa