Page 6 - WEB
P. 6
Tabata presente sr. Alan Howel y lider di e fraccion drs. Marisol Lopez-Tromp.
Parlamentario Howell a referi na tratamento di presupuesto cual lo tuma lugar prome cu
fin di April awor.
El a señala cu e Parlamentarionan mester entrega nan preguntanan skirbi relaciona cu
presupuesto prome cu 12’or di merdia Diabierna 13 di April.
Howell a duna di conoce cu e suma di presupuesto ta 1.4 miyon florin y durante
tratamento den reunion publico, lo bay atende tambe cu e ahustacion di 2.5%, di cual
na gobierno ni comunidad por scapa, segun palabranan di e Parlamentario.
Ta trata di un porcentahe cu a wordo hereda di e debe astronomico cu nos pais tin y
Hulanda ta poniendo presion riba Gobierno pa sanea e situacion financiero, cu nos pais
tin actualmente y gobierno tin cu busca manera pa sigui draai financieramente.
Ademas, Gobierno tin e tarea pa presenta un presupuesto pa medio di cual bida lo sigui
normal na Aruba, nos economia por sigui draai y por wordo stimula tambe.
E reto ta grandi pa Gobierno, nan mester busca e manera pa sanea nos finanzanan
publico, pero na mes momento percura pa stimula nos economia y pa nos pais por sigui
draai na un forma optimo concentrando specialmente riba nos hendenan, cu mester ta
central.
Alan Howell a enfatiza cu Fraccion di POR ta conciente cu no por scapa for di e
ahustacion di 2.5%, pero si ta kere fielmente cu Gobierno mester ‘give and take’. Pesey
e ta bisa cu pueblo por spera di fraccion di POR cu lo bin cu un mocion na beneficio di e
comunidad. Den e mocion aki lo pidi Gobierno pa baha costo di awa y coriente di nos
ciudadanonan.
E ta bisa cu awa y coriente ta un di e debenan cu ta preta mas hopi riba nos
ciudadanonan y Fraccion POR ta di opinion cu Gobierno mester por duna pueblo un man
den bahando e prijs di consumo di awa y coriente.
Na opinion personal di Parlamentario Alan Howell el a indica cu e tey como
representante di pueblo y su preocupacion ta pa cu pueblo y pueblo merece un alivio. E
ta bisa esaki pasobra e formula of calculacion cu lo mester uza pa por yega na e meta
