Page 11 - AB

DIABIERNA 23 AUGUSTUS 2024 DIARIO PAGINA 23
Polis a detene

homber

burachi cu a

comete 2 Hit

& Run

ORANJESTAD (AAN):
Tabata Dialuna marduga
banda di 1:15 am, net ora cu
patruya di Playa ta coriendo
riba Emanstraat na altura di
Island Finance, cu nan a mira
un Pickup Chevrolet S-10
color blanco ta subiendo e
caminda masha poco-poco
mes. Nan a mira e Pickup
subi caminda, y despues a
bay den reverse y cuminsa
core patras.
Polis a cuminsa sospecha
cu e compay tras di stuur lo
por ta burachi. Polisnan a
dune un señal pa stop, y el a
cumpli cune tambe.
Agentenan a bay papia cu
e persona tras di stuur kende
ta di inicial B. Nan a pidi
pa mira su rijbewijs valido,
pero e no tabatin pa duna
nan. Segun B. a splica Po-
lis, cu su rijbewijs a caduca.
Papiando cune, Polis a nota
cu berdad e persona ta fuer-
temente bao influencia di al-
cohol, debi cu e ta papiando
cu un lenga pisa, no por para
drechi riba su pianan, y su
wowonan ta basta cora. Su
aliento ta hole fuerte na al-
cohol di uso interno.
El a duna su cooperacion
pa supla riba e aparato Alco
Sensor IV, y e resultado ta
cu el a sobrepasa e maximo
legal pa Aruba. Pues e nivel
µg/l di alcohol a sobrepasa e
limite. Asina pues, Polis a
detene e homber B. pasobra
a viola Articulo 5 inciso 2 di
Ley di Trafico.
Mientras ta atende e caso
aki, un Security Guard a
yega cerca y a indica cu e
persona coriendo e Chev-
rolet S-10 pickup aki a dal
contra dos auto staciona
banda di caminda, y a djis
sigui core. Ta trata aki di
un SUV tipo Toyota Prado
color plata, y un SUV tipo
Mazda CX-5 color blanco.
Esaki a pone cu Polis a
confisca e Chevrolet S-10
pickup aki tambe, y cu Take-
lwagen a wordo hiba Warda
di Polis na Balashi pa mas
investigacion.