Page 41 - MIN SOC 1 AUG 2015

PAGINA 36 DIARIO DIASABRA 1 AUGUSTUS 2015

Fiscal a
exigi trabao
comunitario contra
chofer di truck di

sushi

cu a mata mucha

den accidente

ORANJESTAD(AAN):
Cada accidente fatal tin
diferente circunstancia y esey
ta pone cu fiscal y huez tin cu
tene cuenta cu esaki.
Si por ehempel un persona cu a
causa un accidente fatal tabata
bao di influencia durante e
accidente, automaticamente e
ta wordo deteni despues di e
accidente y casi semper e lo
haya un castigo incondicional
di prison.
Si e persona no tabata bao di
influencia, tin un bon chens
cu e lo no haya un castigo di
prison.
Tur cos ta depende di e
circunstancianan.
Noticia for di Hulanda ta
mustra cu Diabierna un
homber di 33 aña, chofer di
un truck di sushi, a haya como
exigencia di castigo di fiscal
pa dal un mucha di 7 aña mata
cu e truck, 200 ora di trabao
comunitario.
E accidente a tuma lugar riba
6 di December 2013.
E fiscal a exigi tambe pa
condicionalmente e homber
perde su rijbewijs durante 1
aña.
Esaki ta nifica cu e por keda
cu su rijbewijs, pero si e causa
un accidente atrobe, e lo por
perde e rijbewijs pa 1 aña
largo.
Husticia a determina cu riba e
dia di e accidente e homber no
a core cauteloso suficiente.
E truck di sushi a dal e mucha
muher di 7 aña ora cu riba su
bicicleta.
Riba mesun dia el a fayece na
Hospital.
Imagennan di camera a mustra
cu e mucha muher mester
tabata visible durante algun
tempo atravez di e spielnan di
e truck.
Segun e fiscal, e chofer mester
a tuma tempo pa laga e mucha
muher aparece den su bista,
pa e ta sigur cu e mucha lo por
a pase caba of no.
Fiscal no a pidi pa na un
manera incondicional e
homber perde su derecho di
core, pasobra esey ta e manera
con e homber ta gana su pan
di cada dia.
E tipo di acusacion hasi contra
e homber ta esun mas leve
den casonan di accidentenan
fatal.