Page 17 - KPA

For di cas di gobernador direccion parlamento y bestuurskantoor un cantidad di persona a
manifesta hunto pa asina demostra nan mal contento con e caso di e hoben Zinnia a keda trata na
momento cu a keda alcansa dor di un auto. Mayornan ta kere cu diferente cosnan a bay robes y no ta

hayando ayudo di ningun banda.

Pa es motibo aki tambe a manifesta pa asina wak si por haya ayudo di gobierno. Mama di e hoben cu
a perde su bida a dirigi un carta na ministerio publico y te ainda no a ricibi un contesta di e caso aki.

E carta pa e Famia ta hopi importante debi cu esaki por bay corte y sigui e caso di e hoben zinnia. A
haci varios intento riba e situacion aki , pero no lo para keto te na momento cu zinnia haya su
derecho.

Mayornan di Zinnia kier pa ley haci su trabao pa zinnia por logra haya su derecho. Segun e mama

Michella Croes Matos for di prome instante cosnan a cuminsa cana robes y na unda cu e polis cu a
ocasiona e accidente tabata burachi y cuerpo policial no a tuma ningun paso pa cu esaki. Segun e

mama e proses verbal tabata skirbi na beneficio di e polis y no manera mester ta con e accidente a
pasa. Pa e mama tipo di cosnan asina ta di lamenta y na unda cu un mucha inocente ta perde su bida
di un dia pa otro pa motibo cu tabata core iresponsabel y bebe, segun e mama esaki ta inaceptabel y

pa es motibo aki mes ta bati na porta di parlamento y bestuurskantoor pa haya atencion riba e caso y
pa su yiu por haya su derecho aunke e no ta na bida mas.