Page 18 - KPA

Security di SafeCom herida na su cabes, door di

propio colega

8 mins ago 0 3 Views
Rumbastraat – Dialuna anochi laat den careda di 11:45 polis a bay e compania di seguridad
SafeCom, situa na Rumbastraat.
Informacion ricibi a bisa cu lo tin un empleado herida
Na yegada agentenan a wordo informa cu un otro empleado cu no tawata na e sitio e momento
ey, lo a dal un colega cu un portofoon na su frenta.
E incidente lo no a pasa ariba tereno di trabou, pero den Klipstraat, na unda tin un car wash.
Ambulance a presenta na compania, pa atende e empleado cu tawata tin un herida serio na su
frenta cu tawata sangra hopi. E empleado a wordo transporta pa hospitaal.
Algun minuut despues cu e polis y ambulance a bandona e sitio, e empleado cu a agredi e colega
a subi tereno di e compania drenta su auto y bay di e sitio.
Polis lo a tira bista den area di Dakota, pero no a bin topa cu e auto of e persona.

Bringamento despues di boksmento, dos homber

a keda deteni

1 min ago 0 0 Views
L.G.SMITH BLVRD
Dialuna mainta a drenta informe di un accidente banda di Citgo Boulevard.
Na caminda pa e sitio a drenta informacion cu esnan envolvi a start un pelea.
Na yegada di patruya a bin compronde cu e Hyundai y e Kia a dal contra otro estilo di cera otro,
aki ta unda e chauffeur di e Hyundai a baha y a bay agredi e dama di e Kia, ora cu e casa di e
dama a tuma nota cu nan a dal su casa ela bay dal e otro tambe. Polis a detene e homber cu a dal
e dama y a pidi presencia di ambulance ya cu e dama a haya un bolonbonchi na su cabes. E casa
di e dama tabata asina furioso cu hasta tabata tin momento e no tabata haci caso ni di polis, ela
bira asina histerico cu polis a haya nan mes ta detene tambe.
Na yegada di e ambulance nan a atende e dama.