Page 5 - KPA
P. 5
Chofer no a regula su velocidad ni a
mantene distancia a bay dal tras di un otro
na Santa Cruz
4 HORA PASA , 7 DI JUNI 2017 09:17
SECCION: INCIDENTE
Diaranzon mainta a drenta informe di un accidente cu hende herida na Santa Cruz, mesora a
dirigi tanto polis como ambulans na e sitio. Na yegada di e patruya a bin compronde cu aki ta
trata di un accidente unda cu un chofer no a regula su velocidad y ni a mantene distancia a bay
dal tras di un otro auto. E impacto tabata fuerte y un dama pasahero a sinti dolor di lomba, na
yegada di e ambulans nan a atende e victima y a transporte pa hospital.
Chofer di pick-up sin number a hit and run
un auto staciona pero nan a reconose un
muher den e pick-up
5 HORA PASA , 7 DI JUNI 2017 08:20
SECCION: INCIDENTE
Diaranzon mainta a drenta informe di un accidente hit and run na Bushiri Residences, mesora a
dirigi un patruya na e sitio. Na yegada di e patruya a bin compronde cu aki ta trata di un
accidente unda e chofer di un pick-up (aparentemente Ford Ranger) blanco a spin bay dal riba
un auto staciona y despues a sigui core bay. E pick-up no tabata tin number pero e habitante a
wak un muher cu tabata den e pick-up y a reconose como un bisiña di nan. Ora cu polis a
presenta y tabata tumando e detayenan di e accidente e muher aki a presenta y polis a papia
cun'e cu lo ta mihor pa e entrega su mes promer cu e bay buske.
