Page 7 - KPA
P. 7
Diaranzon mainta a drenta informe di un accidente cu impacto basta fuerte cu hende herida y
hasta pega den auto na e cruzada di Calabas pa Kudawecha, mesora a dirigi tanto polis como
ambulans na e sitio. Na yegada di e patruya a bin compronde cu ningun hende ta pega den
auto y ni tampoco herida pa cual motibo a cancela e ambulans. Locual a sosode ta cu e chofer
di e Toyota Yaris shinishi cu tabata bini di pariba no a duna preferencia na e pick-up cu tabata
bini di Moko bayendo nort y e Yaris a dal e pick-up mande banda pabao di e caminda bay dal
frontal riba e auto chikito di direccion contrario. Aunke e impacto tabata fuerte afortunadamente
ningun hende a resulta herida.
