Page 80 - KPA

Polisnan rabia ta informa encuanto Polisnan Politico

Tuesday, 06 June 2017 20:29
Comparti

Pa cuminsa nos kier a gradeci na e redactor pa e espacio brinda. Nos ta un grupo conoci como Polisnan
Rabia.

Nos meta nunca ta ni lo wordo haci politicamente. Nos ta un grupo di individualnan cu simpelmente ta
bringa pa nos derechonan como polis. Banda di esaki tambe nos ta pone pia abou ora cu cos nan inhusto
of contradictorio tuma lugar. Pa nos di e grupo aki, e no ta importante e signatura politico cu ta na
mando y nos a demostra esaki desde 1991 te cu e fecha aki. Nos lo keda cu e parti aki te aki, y no lo splica
mas detaya kico tur nos a yega di haci den pasado, pa evita cu e identidad di nos miembronan di e grupo
aki wordo comprometi. Maske cu nos objetivo no ta pa desfama niun hende of pa trece redashi, toch nos
ta actua di un forma hopi cauteloso pa evita represaya. E topico di e comunicado aki ta, desunion den
KPA. Esaki tin di haber netamente cu politica. E desunion aki no ta cos di awor, pasobra emper den KPA
tawata tin polisnan cu ta simpatisa un cu e otro partidonan politico. Hasta tawata tin cu a subi lista y
awendia esaki no ta mucho diferente for di antes. Mientras cu e trend di tira palabra pa otro ken ta sirbi y
ken no ta sirbi, keto bay ta trece desunion den nos cuerpo y esaki ta di lamenta. No obstante esaki, claro
cu nos di e grupo neutral aki, esta di ‘Polisnan Rabia’ ta apoya tur polis cu ta subi un cu e otro listanan
policio cu tin, basta cu nan ta representa nos dignamente y cu ta laga nos como nan colega mustra bon.
Pero, na momento cu un polis cu a bira politico bira personal y ta ataka hendenan di un forma baho y
mahos, poniendo nos cara como polis na berguensa, nos ta distancia nos mes por completo di e persona
ey y nos ta consideranan instantaneamente un ex-colega polis. Atrobe, esaki nos a haci den pasado, nos a
haci esaki den presente y nos lo keda haci esaki tambe den futuro. Ta bon pa tur polis cu drenta politica
sa, cu e ta un regla di oro, cu na momento cu bo stop di traha como polis y bay traha sea den parlamento
of ter beschikking di un minister, cu esaki nifica automaticamente, cu bo lo keda pega en e ultimo rango
cu bo a bay laga atras y cu bo NO lo por ricibi bevordering durante e periodo di bo ausencia. Esaki a pasa
den pasado, e ta den presente y NOS lo percura pa e keda di e forma aki tambe den futuro. Nos no ta
solamente critica leiding di KPA, pero nos ta duna nan e elogio tambe y punto aki sigur ta di aplaudi. Nos
a bin haya tende recientemente cu un ex-colega kende tawata ter beschikking pa sigur 3 anja y awor ta na
cas sin niun motibo valido, a pidi leiding pa su promocion di hoofdagent 1 pa e bira Onderinspecteur.
Ademas cu e persona aki a keda afo pa tur e temporada aki y cu e NO tin derecho di promocion mescos
tur otro polis cu a bay den politica y a stop di eherce nan funcion como polis, nos ta spera cu leiding keda
para riba e punto aki tambe y bisa e colega aki, cu e mirando cu e ta literalmente strobando e crecemento
huridico di 1 di e 19 personanan cu si a keda traha como polis y cu ta bin na remarke pa haya e rango aki
prome cu e polis politico cu a cambia di partido. Awor cu nos a conoce un sindicato nobo, nos ta spera cu
nan tambe por wak e bienestar general di nos como nan miembronan y no esun di un individual kende ta
wak su probecho personal, cual ta su pleno derecho tambe mescos cu e ta nos derecho pa subraya esaki y
make a statement. Cada ken ta adulto suficiente pa kies loke cu nan kier haci y si bo keuze tawata di stop
di traha como polis, nos cu si a continua den nos funcion tin MAS derecho cu esun cu a bay, as simple as
that. Por ultimo nos kier a desea nan tur tur clase di exito y please haci cos nan segun regla. Vooral
actividadnan politico cu banda enzo, corda pidi boso vergunning manera ley ta bisa, pa esaki por bay
door sin cu mester yama chefnan pa nan por fix boso asuntonan y si bo pone un banda internacional,
corda paga entre otro e artiestenbelasting y no actua contra di ley cual abo como polis ta suposse di re-
inforza.